2 Makronika 13:16 - Bhiblia Yo Sawuleka

¹⁶ Se vanana va ka Israyeli va to thava masoni ka va ka Judha, Txizimu txi va ningela manzani ka va ka Judha.

2 Makronika 13:16 Referans Kwoze

2 Makronika 16:8

Va Etiyopiya ni va Libhiya kha va ku tela va di xomile yimbi ya hombe va di ni sikotxikani ni vagadhi va mahantxhi kani? Aku u nga ti ti thembile Mkoma ene ava ningetile mawokoni kwako.

1 Samuwele 23:7

Kambe Sawule a to ziviswa taku Dhavhidha a wulete Keyila. Se Sawule a to khene: Txizimu txi mningete manzani kwangu, nguko a ti vhalete, ngu kuya wulela ka didhoropa da matimba ni sikhweketo sa tisimbi.

Valamuli 11:21

Se Mkoma, Txizimu txa ka Israyeli, a to ningela Seyoni ni vathu vakwe votshe, manzani ka va ka Israyeli, ve va khozisa; se Israyeli a to teka dotshe ditiko da Vaamori, ava va nga ti akile ka ditiko dile.

Valamuli 1:4

Kambe Judha a to kwela, se Mkoma e ningela Vakanana ni Vaferezi manzani kwakwe, kudawa vathu vo dingana 10.000 wa vavamna, kona Bhezeki.

Joxuwa 21:44

Mkoma a va ningile kuhumula ka otshe madhawa, madingano ni ti a nga xambanya tona ka vatate vawe; kha ka maneka ni wammweyo wa valala vawe, a nga tsana a txi ema masoni kwawe. Mkoma a to ningela votshe valala manzani kwawe.

Joxuwa 10:12

Sekoko Joxuwa a wombile ka Mkoma, ka ditshiku dile Mkoma a nga ningela Vaamori manzani ka vanana va ka vanana va ka Israyeli, a txi khene: “Ditambo, ema txitimwi ka Gibheyoni, ni nawe mtxima, ema mkovani ka Ajaloni!”

Dhewuteronome 3:3

Se Mkoma, Txizimu txathu, a ningete Oge, mfumeli wa Bhasani manzani kwathu, ni votshe vathu vakwe; se athu hi mkhozisile aha ku nga mbi sala ni m'boti ni wumwewo.

Dhewuteronome 2:36

Kukhukhela Aroweri, ku ku mabambe ka mlonga wa Arnoni, ni didhoropa di di ku hagari ka mkova kala Gileyadhi, kuwalo didhoropa di athu hi nga mbi wulela ka dona; Mkoma, Txizimu txathu, a hi ningile otshe madhoropa masoni kwathu.

Genesisi 14:20

Txi na bongwe Txizimu Nyatxitimwi txi nga ningela valala vako manzani kwako!” Se Abramu a to ninga Melkisedheki sa wugumi ka sotshe si a nga ti si mani.

2 Makronika 13:17

Ngu mamahelo awa Abhiya ni vathu vakwe va to onhetela ngutu hagari ka va ka Israyeli, nguko va date 500.000 wa vavamna ava va nga ti ti va sawute.