2 Makronika 13:15 - Bhiblia Yo Sawuleka

¹⁵ Se vavamna va ka Judha va to peka tihuwa, Txizimu txi txi engisa tihuwa ta va ka Judha txi to peka Jerobhowamu ni votshe va ka Israyeli ngu lifo masoni ka Abhiya ni ka va ka Judha.

2 Makronika 13:15 Referans Kwoze

2 Makronika 14:12

Mkoma a to dayela va Etiyopiya masoni ka Asa, ni masoni ka va ka Judha, se va Etiyopiya ve tutuma.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Masalmo 47:5

Txizimu txi txhatukile txitimwi hagari ka mikulungwani ni kuvetwa ka mpundu!

Masalmo 47:1

Anu motshenu vathu, pekani manza! Losani Txizimu ngu mikulungwani ya kutsaka!

2 Makronika 20:21

Josafati a to pfana ni vathu vakwe, e veka mtxawa wa vaembeleli masoni ka dibutho dakwe da yimbi, ava va nga ti ti embelela ni kudhumisa Mkoma va txi kha vona: Dhumisani Mkoma nguko lirando lakwe li zumba ngu ha ku si gwitiko.

2 Vafumeli 5:1

Se Nahanani, mthangeli wa dibutho da mfumeli wa Siriya, i ti ti m'thu wa hombe masoni ka nyamne wakwe, ni kuthaviseka ngutu; nguko Mkoma a mthumisile kutxhatxhisa Vasiriya; ene i ti ti wamwamna wa lisima, hambiko a nga ti ti ni xokonho.

Valamuli 4:15

Mkoma a to hangalasa Sisera ni sotshe sikotxikani sakwe, ni votshe vathu vakwe va yimbi masoni ka Bharake. Sisera a to ndaka a txi jatama ngu ka txikotxikani txakwe, e tutuma ngu mikondo.

Joxuwa 11:8

Se Mkoma a to va ningela manzani ka va ka Israyeli; vona va to va khozisa, va txi va tutumisa, kala ka Didhoropa da Hombe da Sidhoni, ni Mezerefoti-Mayimi, ni mkovani ka Misipa, ngu didhawa da wutxani. Va to va dayetela, va si siyi ni wammweyo.

Joxuwa 6:20

Vathu koko va to kwangula, na vaphaxeli va txi veta titshodi; se ku to maheka taku, mbimo yile vathu va nga pfa kutuma ka titshodi, va to kwangula ngu kukwangula ka hombe; se diguma di to wa hahatshi, vathu ve wulela didhoropani, mmwani ni mmwani ngu ha a nga ti rendekete kona, va to teka didhoropa.

Joxuwa 6:16

Se ku to maheka taku, mbimo yile vaphaxeli va nga txi veta titshodi, ka txikhati txa wutxhanu ni simbidi, Joxuwa a to khene ka vathu: “Kwangulani! Nguko Mkoma a mi ningile didhoropa!”

Mitengo 32:4

ditiko di Mkoma a ngadi tsayisa masoni ka msengeletano wa ka Israyeli, ditiko da sifuyo; se sithumi sako si ni sifuyo.

2 Makronika 18:31

Ka mbimo yile vathangeli va yimbi va nga wona Josafati, va to kha vona: Ngu ditshuri ngene wule mfumeli wa ka Israyeli. Se va to tshuketela kuya mlwisa; konaho Josafati a to peka huwa; se Mkoma Txizimu txi to mlamulela, ngu ku va jikisa.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

2 Makronika 20:22

Se ka mbimo yile va nga khata kupeka mikulungwani ya kutsaka ka hombe ni kudhumisa, Mkoma a to rumela vathu veya wukela vanana va Amoni ni va Mowabhi ni vanana va mimangoni ka Seyiri, avale va nga ta kasi kutalwa ni va ka Judha.