2 Makronika 13:12 - Bhiblia Yo Sawuleka

¹² Wonani Txizimu txi ni nathu masoni kwathu, vaphaxeli va txona va veta mipundu kasi ku mi hangalasa; vanana va ka Israyeli mi nga lweni ni Mkoma Txizimu txa va tate vanu, nguko kha mi na mbi mu xula.

2 Makronika 13:12 Referans Kwoze

Mithumo 5:39

aniko, ngako si txi ta ngu ka Txizimu, kha mi na kusikota ku si fuvisa. Ti woneleni mi si thuki mi manwa mi txi lwa ni Txizimu.” Se vona va to mu engisa.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Zakariya 10:5

Se va na nga tindena ti ganyatako valala va tona, amu ka madhaka a tinzilani, kulwani, va wulelako kulwani ngu madhakani ka tinzila, ve tshinda valala, nguko Mkoma a na va navo, se vona va na thela tingana vale va tsimbilako va di gadhile mahantxhi.

Vahebheru 2:10

Kha ditshuri, ti ni fanelo, ti to awule a lumbwako ngu sotshe, awu kambe i ku ene a nga si va nga, ngako a nga lava kuguleta vanana vavangi a txi va veka ka txikhunja txa wudhumo, e thanga ngu kusawulekisa Muhanyisi wa kona ngu wuhetiseki wa sixaniso.

Ezekhiyele 17:9

Womba u txi khawe: Mkoma Txizimu a khene: Ina wu na humelela kani? Ina kha na mbi dula ngu mikoloti, a txi wila mihando ya kona, kasi ku wu txi oma kani? Wu na oma ka otshe madhavi a wona; na i si nga ngu mhaka ya diwoko da hombe, hambi ngu mhaka ya vathu votala, wu na dulwa ngu mu ka mikoloti ya kona.

Jeremiya 50:24

Ni kuriyete mikuni, se u txikilwe, kambe awe Bhabhilona khwa tiziva: U manwi, kambe u ñotwe, nguko u wukete Mkoma.

Jeremiya 2:37

Kambe u na huma u di sanzekile mawoko ako ha msungo; nguko Mkoma a lambile va u va thembako, khu na mbi humelela ngu vona.

Isaya 54:17

Otshe matxhari ale ma longiselwako ku ku wukela, kha ma na mbi humelela; ni totshe tidimi tile ti ku wukelako kulamulwani, awe u na ti kona; ayiya i thomba ya sithumi sa Mkoma, ni wululamo wu wutako ngu kwangu, kuwomba Mkoma.

Isaya 45:9

Dikhombo ka wule a lwisanako ni M'vangi wakwe, khadi hagari ka timwani tikhadi ta dibumba! Ina dibumba di nga womba ka muwumbi wa dona, di txi kha dona: U maha txani, kani? Mwendo mthumo wako, wu txi kha wona: Khu nga ni manza kani?

Isaya 8:10

Sungani motshe txikungo, aniko kha txi na mbi maheka, wombani dipswi, kambe kha di na mbi tsana; nguko Txizimu txi ni nathu.

Masalmo 20:7

Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

Jobe 40:9

Mwendo u ni diwoko do nga da Txizimu, mwendo u nga bhonga ngu dipswi nga da txona kani?

Jobe 9:4

Txizimu txi ni wutxhari mbiluni, txona i nyamitamo ngutu; i mani a nga ti bangisa ka txona, e mana kuthutha kani?

2 Makronika 24:20

Se Moya wa Txizimu wu to ta ka Azariya, mwana mphaxeli Joyadha, awule a nga ema masoni ka vathu, a txi khene kwawe: Txizimu txi kha txona: Ngu kutxani mi hambuka ka milayo ya Mkoma kani? Ngu konaho Mkoma nene a na mi leka.

Dhewuteronome 28:29

ni mitshikari, u na tsimbila ngu kumbumbutela nga dibhofu, adi di mbumbutelako mtemani, mithumo yako kha yi na mbi humelela kotshe tinzilani kwako. U na xuphwa u txi handwa otshe masiku, ku si maneki ni wammweyo wo kuvhikela.

Dhewuteronome 20:4

Mkoma, Txizimu txanu koko, a tsimbila kumweko ni nanu, kasi kulwa ni valala vanu, a txi mi ninga kuxula.”

Mitengo 31:6

Se Mosi a to va rumela yimbini 1.000 wa vona, ngu ka lihunzu limwelo ni limwani, ve tsula ni Finiyasi, mwana Eleyazari, mphaxeli, yimbini, ni siya so sawuleka, ni mipundu yo txharihisa manzani.

Mitengo 23:21

Ani kha ni woni dikhombo ka Jakobe, hambi kukarateka ka Israyeli. Mkoma Txizimu txawe a kumweko nayo mndani kwakwe. Mkoma wawe, awu va mahako migiyo ya ku mtsakela.

Mitengo 14:41

Aniko Mosi a to khene: “Ngu kutxani mi funya Mlayo wa Mkoma kani? Lambi, kha mi na mbi humelela!

Masalmo 46:7

Mkoma wa Mabutho a Tiyimbi ana ni nathu Txizimu txa Jakobe ngu txona i ku wuthavelo wathu.

2 Makronika 32:8

Ene ani diwoko da nyama, kasi athu hi ni Mkoma Txizimu txathu, awu a hi vhunetelako kulwa tiyimbi tathu. Vathu va to tsaniswa ngu mapswi a Ezekhiya, mfumeli wa va ka Judha.