2 Makronika 13:11 - Bhiblia Yo Sawuleka

¹¹ Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.

2 Makronika 13:11 Referans Kwoze

2 Makronika 2:4

Wonani ku ni lava kuakela nyumba ditina da Mkoma, Txizimu txangu, kasi ku ni na mu dhumisa, ni ku m'hisela dibaselo do bhumula, ni kuveka dipawu da masiku otshe, ni mningelo wo hiswa wa mixo ni wa mitshikari, ni wa Masabhata, ni wa mitxima ya yiphya, ni mibuso ya Mkoma Txizimu txathu; i ku fanelo ya va ka Israyeli ya mbimo yotshe.

Eksodha 29:38

Ngu siya u no ningela ha txiluveloni, sihambana simbidi sa tanga ya dilembe dimwedo, ngu ditshiku ni ditshiku, yotshe mbimo.

Luka 1:9

a to hokelwa ngu txikhati txakwe txa kuwulela wukhaloni ko sawuleka ka Dithepele da Mkoma, kasi kuya hisa dibaselo.

Ezekhiyele 48:11

Wukhalo wuwa wu na lumba vaphaxeli vale va nga sawulwa, hagari ka vanana va ka Zadhoki, avale va nga veketa mlayo wangu, va nga mbi timela, mbimo yile vanana va ka Israyeli va nga timela, kufana ni va ka Levhi vale va nga nga timela.

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.

Ezekhiyele 44:8

Aniko kha ma vekisa silayelo sa simaha sangu so sawuleka; kambe anu mipune mi ti mahile vaxayise va silayelo sangu, nyumbani kwangu ko sawuleka.

Mitengo 16:46

Se Mosi a to khene ka Aroni: Thavisa txiya txo hisela ka txona dibaselo, u hala mndilo wa ha ka txiluvelo, u txiya thela konemo dibaselo; u kuluveta u txiya ka msengeletano u ya maha mphaxo wo thavisa txionho, nguko Mkoma wata ni mtungu, a henyile ngutu, se wu khatile.

Mitengo 16:6

Awe Kora ni vathu vako votshe, mahani tiya, tekani nanu siya sa dibaselo;

Mitengo 9:19

Hambi ngako direfu di txi swela ka wukhalowo, di heta masiku o tala txitimwi ka nyumba, vanana va ka Israyeli va txa so landisela kuleleta ka Mkoma, va si khukhi.

Genesisi 26:5

nguko Abrahamu a engisile dipswi dangu, kambe a veketile milayo yangu, sirumo sangu, ni sileleto sangu, ni mithetho yangu.”

2 Makronika 13:10

Aniko athu Mkoma ngene Txizimu txathu, kha hi na mbi mleka; Vaphaxeli ava va thumelako Mkoma vanana va Aroni ni Valevhi.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

2 Makronika 2:3

Solomoni a to rumela dipswi ka Hiramu, mfumeli wa Tiro, a txi khene: Ngako u nga rumela tate wangu mikedhari yo aka ngu yona nyumba yo e zumba ka yona, ni mahele toneto nani.

2 Makronika 4:20

ni sipande ni malambu a nzalama yo hehuka ngutu, kasi ku ma txi layithwa madingano ni txi toloveto txawe masoni ka digandelo.