2 Makronika 13:10 - Bhiblia Yo Sawuleka

¹⁰ Aniko athu Mkoma ngene Txizimu txathu, kha hi na mbi mleka; Vaphaxeli ava va thumelako Mkoma vanana va Aroni ni Valevhi.

2 Makronika 13:10 Referans Kwoze

Zakariya 13:9

Se ni na pindisa dile da wuraru ngu ha ka mndilo, ni txi di sawulekisa, ku nga tile yi nga sawulekisa tona silivhela, kambe ni na di duka ku nga ti yi dukiswako tona nzalama, dona di na dhumisa ditina dangu, se ani ni na di engisa; ni na khani: Mbathu vangu; se dona di na kha dona: Mkoma, Njizimu txangu.

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

2 Makronika 13:9

Kha ma tshotsha hahanze vaphaxeli va Mkoma, vanana va Aroni ni Valevhi se mi ti lavela vaphaxeli vanu kufana ni vathu va matiko mamwani? Mmwani ni mmwani awu a tako e ta phaxela ngu dirole ni mtxhanu wa tihamba ni timbidi koneko a maha mphaxeli wa vale i singako sizimu.

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Joxuwa 24:17

Mkoma ngene i ku Txizimu txathu, atxi txi nga hi humisa athu ni vatate vathu, ditikoni ka Egipta, nyumbani ka wukhumbi, atxi txi nga maha sotshe sidiwukiso sa hombe, asiya hi nga si wona ngu maso athu, atxi txi nga hi xayisa amu ka nzila yotshe yi hi nga yi tsimbila ni hagari ka vathu votshe vale hi nga pinda ngu ka vona.

Nehemiya 13:30

Ngu kumaha keto, ni to va basisa ka yotshe mithumo ya vamatiko, ni va ninga mithumo ya vaphaxeli ni ya Valevhi, mmwani ni mmwani ka mthumo wakwe,