2 Makronika 12:6 - Bhiblia Yo Sawuleka

⁶ Sekoko vathangeli va Israyeli ni mfumeli va to ti veka hahatshi, va txi kha vona: Mkoma a lulamile.

2 Makronika 12:6 Referans Kwoze

Eksodha 9:27

Sekoko Faro a to rumisa kudhana Mosi ni Aroni, e va gela tiya: Konkuwa ani ni onhile; Mkoma a lulamile ngutu, ani ni vathu vangu hi onhile.

Dhaniyeli 9:14

Ngu toneto, Mkoma a xayisile dikhombo diya, se e di tisa txitimwi kwathu; nguko Mkoma, Txizimu txathu a lulamile amu ka mithumo yakwe yotshe yi a nga yi maha, kambe kha hi engisi dipswi dakwe.

Jakobe 4:10

Ti vekeni hahatshi masoni ka Mkoma, se ene a na mi guleta.

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Varoma 10:3

Nguko, ngu ku ambi ziva kululama ka Txizimu ni kulava ku ti emisela kululama kwawe vona ngu txawe, kha va ti veka hahatshi ka kululama ka Txizimu.

Luka 18:14

“Na mi gela ku khani awuwa ngene a nga tshumela e tsula m'tini kwakwe, a di basisilwe, ani wule mmwani mahala, nguko awuwa a ti guletako, a na vekwa hahatshi, ani wu a ti vekako hahatshi, a na guletwa.”

Hoseya 5:15

Ni na tsula, ni tshumela ni wuya ka wukhalo wangu, kala kuza ve tipfa mnandu, ve lava khohe yangu; ngako vona va di kupandisekani, va na ni lava ngu mabimbi-kutxa.

Dhaniyeli 5:22

Se awe mwanana wa kona Bhelxazari, khwa ti veka hahatshi, hambi ku u nga ziva mhaka yotshe.

Sidilo 1:18

“Mkoma a lulamile, nguko ani koko ni eyisile milayo yakwe; engisani koko anu motshenu, vathu, mi txi wona kupandiseka kwangu; votuma vangu ni majaha angu va tsute wukhumbini.

Jeremiya 44:10

Kha mi ti soli kala ni nyamsi kuwa, kha mi kombi txithavo, kha ma tsimbila ngu milayo yangu ni sileleto sangu, ni nga si veka masoni kwanu ni ka vatate vanu.

Jeremiya 13:18

Gela mfumeli ni mame wa mfumeli, u txi khawe: Ti namiseni, mi txi khalahatsha, nguko mbhoti wa wukoma wanu wu wite, i ku txona txiningo txanu txa mfumo.

Jeremiya 13:15

Riyani tinzeve mi txi engisa; mi nga ti kuliseni, nguko Mkoma a wombile.

Masalmo 129:4

Aniko Mkoma i ku wo lulama, a bhenulete majoke a vabihi.

Jobe 33:27

A na wona vathu, a txi khene: Ni onhile, ni ndakile mlayo, aniko kha ta ni vhuna txilo.

2 Makronika 33:23

Aniko kha ti veka hahatshi masoni ka Mkoma, nga Manasi tate wakwe, a nga ti veka hahatshi; Amoni a to engetela sionho sakwe.

2 Makronika 33:19

Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti.

2 Makronika 33:12

Se ene a di pandisekile, a to khongela masoni ka Mkoma Txizimu txakwe, e ti veka hahatshi ngutu masoni ka Txizimu txa vatate vakwe,

2 Makronika 32:26

Se Ezekhiya a to ti sola e ti veka hahatshi ngu mhaka ya kanu ya kutikulisa ka mbilu yakwe kumweko ni vathu va Jerusalema; se kuhenya ka hombe ka Mkoma ku yata txitimwi kwawe, ka masiku a Ezekhiya.

Valamuli 1:7

Sekoko, Adhoni-Bhezeki a to khene: Mtxhanu wa magumi ni mambidi a vafumeli, va nga ti wiletwe titiho ta vanyagotwe, ta manzani ni ta mikondoni, va ti ti rolela maruru hahatshi ka meza yangu; ngu kumaha keto, Txizimu txi ni tshumetete madingano ni ti ni nga va mahela. Se va to tsula nayo Jerusalema, eyo a nga ya fela kona.

Eksodha 10:3

Se Mosi ni Aroni, va yite kambe ka Faro, va txi ya m'gela tiya: “Mkoma, Txizimu txa Vahebheru, a khene: U na gwita mbimo muni kukaneta u si ti veki hahatshi masoni kwangu kani? Leka vathu vangu ve huma, kasi va txi ya ni khozela.

2 Makronika 12:12

Se ene a to ti veka hahatshi, Mkoma a to thavisa kuhenya kwakwe txitimwi kwawe, kasi ku asi va fuvisi votshe; nguko Judha ku ti ni silo sa sinene.

2 Makronika 21:2

Se a ti ti ni vanawe, i ku vanana va Josafati: Azariya, Jeyelini, Zakariya, Azariyawu, Mikayeli ni Sefatiya; votshe va va i ti ti vanana va Josafati mfumeli wa ka Israyeli.