2 Makronika 12:5 - Bhiblia Yo Sawuleka

⁵ Sekoko mprofeti Semaya a to ta ka Robhowamu ni ka vathangeli va va ka Judha a ava va nga ti ti sengeletanile Jerusalema ngu mhaka ya Sisake, a txi khene: Mkoma a womba tiya: Anu mi ni lekile, nani ni mi lekile manzani ka Sisake.

2 Makronika 12:5 Referans Kwoze

2 Makronika 15:2

Se a to huma eya ka Asa a txiya khene: Awe Asa ni nanu motshenu va ka Judha, ni va ka Bhenjamini ni engiseni, Mkoma ani nanu, ngako anu mi di ni nene; ngako mi txi mlava mi na mmana, mi txi m'leka nene a na mi leka.

2 Makronika 11:2

Kambe dipswi da Mkoma di to ta ka Semaya, m'thu wa Txizimu, di txi kha dona:

1 Vafumeli 12:22

Sekoko dipswi da Txizimu di tile ka Semaya, m'thu wa Txizimu, di txi kha dona:

Jeremiya 23:33

Ngako vathu vava, mwendo mprofeti, mwendo mphaxeli, va txi ku wotisa, va txi kha vona: Ngu wuhi mrwalo wa Mkoma kani? Sekoko u na va xamula, u txi khawe: Nganu mrwalo wa kona! Ni na mi ginyalata, kuwomba Mkoma.

Jeremiya 5:19

Ngako va txi kha vona: Ngu kutxani Mkoma Txizimu txathu a nga hi mahela tiya kani? U na va gela u txi khawe: Kunganu mi nga ni leka, mi phaxela simwani sizimu ditikoni kwanu; ngutoneto, mi na thumela vamatiko ditikoni kova i si nga kwanu.

Jeremiya 4:18

Mahanyelo ako ni mithumo yako si ku wusete silo siya, ngu wona m'hando wa kubiha kwako. Kha ditshuri wa bava, ka panda ni mbiluni.”

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Masalmo 37:33

aniko Mkoma kha na mbi mleka a txi wa manzani ka mlala, kambe kha na mbi mleka a txi konwa kulamulwani.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

2 Samuwele 24:14

Sekoko Dhavhidha a to khene ka Gadhi: Ni ha kuxanisekani ka hombe; kambe he weleni manzani ka Mkoma, nguko wumbilu wakwe mbwa hombe ngutu; aniko manzani ka vathu ni nga wele kona.

2 Makronika 12:15

Kasi ngu kutala ka mithumo ya Robhowamu ni ka toshe ti a nga ti maha ti nga va ti sa bhalwa ka mabhuku a matimu a Semaya mprofeti, ni a Idho muhuti, madingano ni tihunzu tawe. Se ku to maneka kulwa hagari ka Robhowamu ni Jerobhowamu ka masiku awe otshe.

2 Makronika 24:20

Se Moya wa Txizimu wu to ta ka Azariya, mwana mphaxeli Joyadha, awule a nga ema masoni ka vathu, a txi khene kwawe: Txizimu txi kha txona: Ngu kutxani mi hambuka ka milayo ya Mkoma kani? Ngu konaho Mkoma nene a na mi leka.