2 Makronika 12:14 - Bhiblia Yo Sawuleka

¹⁴ A to maha ta kwa mbi lulama, nguko kha lava Mkoma ngu mbilu yakwe yotshe.

2 Makronika 12:14 Referans Kwoze

2 Makronika 19:3

Hambi keto, ku ni timhaka ta tinene a ti u nga ti maha, nguko u thavisile sipopo amu ditikoni, u lava Mkoma ngu mbilu yako yotshe.

1 Vakorinto 16:13

Wonelelani, mi zumba mi di tsani mu ka likholo, mi hanyisa txiwamna, mi va ni mtamo.

1 Vakorinto 15:58

Se ngu toneto, vanathu vo randeka, zumbani mi di tsani, mi si xulwi ngu txilo. Khutalani miya masoni ka mthumo wa Mkoma, na mi txi tiziva tito, masoni ka Mkoma, mthumo wanu hi nga wa mahala.

Ezekhiyele 33:31

Se vona vata kwako, nga tile vathu va tisako tona kwako, ve ta khalahatsha masoni kwako kufana ni vathu vangu, kambe ve engisa dipswi dako, aniko kha va mahi txilo; va tumeletela ngu sisofu sawe, kambe timbilu tawe ti londetela ta minavelo yawe.

Isaya 45:19

Kha na womba-womba txihujani, hambi ka wukhalo wa txidema wa ha mafuni; kha na womba ka liveleko la Jakobe, ni txi khani: Ni laveni walo; ani ngani Mkoma, ni wombawombako kululama, ni zivisako timhaka ta tinene.

Masalmo 78:37

Timbilu tawe ti sa thembeka ka Txizimu hambi ni ka txitumelelano txa Txizimu, ti sa thembeka.

2 Makronika 30:19

va longiselako timbilu tawe kasi kuve lava Mkoma Txizimu, Txizimu txa vatate vawe, hambi ku va sinziko ku ti sawulekisa.

2 Makronika 11:16

Msana kwawe, totshe tihunzu ta va ka Israyeli, avale va nga lava Mkoma Txizimu txa Israyeli, ngu timbilu tawe, va toya Jerusalema kuya ningela mhamba ka Mkoma Txizimu txa vatate vawe.

Matewu 7:7

“Kombelani, mi na ningwa; lavani, mi na si mana; gogotani, mi na tulelwa.

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

Masalmo 57:7

Mbilu yangu yi tsani, awe Txizimu, mbilu yangu yi tsani ni na embelela tindando ta ku kudhumisa.

1 Makronika 29:18

Mkoma Txizimu txa vatate vathu, Abrahamu, ni Isaake, ni Israyeli, vekisa eto mbimo yotshe, kunavela ka mipimiso ya timbilu ta vathu vako; u rendekelisa timbilu tawe kwako.

1 Samuwele 7:3

Sekoko Samuwele a to womba ka votshe va nyumba ya ka Israyeli, a txi khene: Ngako mi txi hundukela ka Mkoma ngu totshe timbilu tanu, thavisani sizimu sa vamatiko ni sa astarote hagari kwanu, mi lulamisela Mkoma timbilu tanu totshe, kambe mi thumela ene dwe, se a na mi hulukisa manzani ka Vafilista.

Dhewuteronome 5:29

Sikwawe, idiku timbilu tawe yotshe mbimo to va ni mapimo o nga toneto, veva ni txithavo, va txi vekisa ngu kusimama sotshe sirumo sangu, va ndi na zumbiseka ta tinene, vona ni vanana vawe, kala kupinduka.

1 Vafumeli 14:22

Se Judha a to maha wubihi masoni ka Mkoma; va to m'henyisa ngutu, kupinda tile va nga mahisa tona vatate vawe, ngu sionho si va nga si maha.