2 Makronika 12:12 - Bhiblia Yo Sawuleka

¹² Se ene a to ti veka hahatshi, Mkoma a to thavisa kuhenya kwakwe txitimwi kwawe, kasi ku asi va fuvisi votshe; nguko Judha ku ti ni silo sa sinene.

2 Makronika 12:12 Referans Kwoze

2 Makronika 19:3

Hambi keto, ku ni timhaka ta tinene a ti u nga ti maha, nguko u thavisile sipopo amu ditikoni, u lava Mkoma ngu mbilu yako yotshe.

1 Vafumeli 14:13

Se votshe va ka Israyeli va na m'dila va txi mtshotsha, nguko ku manwi wunene kwakwe madingano ni Mkoma, Txizimu txa Israyeli, nyumbani ka Jerobhowamu.

1 Pedro 5:6

Ngu konaho, ti vekeni hahatshi ka diwoko da mtamo, da Txizimu, kasi ku txona, txi nata mi guleta ka mbimo yi yi lavekako.

Sidilo 3:42

Hi ti lambisile hi kuonhela, awe Mkoma, ngu mhaka yeto, khwa hi divavela.

Sidilo 3:33

Txizimu kha txi tsakeli kuveka hahatshi vathu mwendo ku va tisela makhombo.

Sidilo 3:22

Wumbilu wa Mkoma, ngu wona wu mahako ti to hi si fuviswi; nguko wumbilu wakwe kha wu na magwito.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 6:13

Kambe ngako ku txi sala mmweyo hagari ka va digumi, nene a na pinda hagari ka mndilo, kufana ni mndonga wa mkusu ni wa mtshula, hambi yi di witwe, txitsha txa thunga, txi humisa mazokoro. Se mbewu yo sawuleka, i nava kutsana kwakwe.

Genesisi 18:24

Idiku vo maneka mu didhoropani mtxhanu wa magumi a vathu vo lulama. Ina u nga lovisa dotshe didhoropa, u txi lamba kudivalela ngu mhaka ya valulami va mtxhanu wa magumi kani?

2 Makronika 12:11

Se ku to maheka a ti to mbimo yile mfumeli a nga txi wulela Nyumbani ka Mkoma, va woneleti vakwe va txi teka sivhikelo ve wulela naso, ve gwita si wuyiswa ka dizumbo dawe.