2 Makronika 11:4 - Bhiblia Yo Sawuleka

⁴ Mkoma a womba tiya: Mi nga kweleleni hambi ku yalwa ni vananu; mmwani ni mmwani a na tshumelele nyumbani kwakwe, nguko ngani ni nga maha eto. Se va to engisa dipswi da Mkoma ve tshumela, ve leka kuya wukela Jerobhowamu.

2 Makronika 11:4 Referans Kwoze

Genesisi 50:20

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

Vahebheru 13:1

Yanani masoni ngu kurandana nga vanawe.

Mithumo 7:26

Se ngu ditshiku di di londetako, a to mana vamwani vavambidi va txi lwa, se e va khongotela ngu ku va kamba, a txi khene: ‘Vavamna, mi va lixaka limwelo! Mi lwela txani kani?’

Hoseya 8:4

Vona va ti mahete vafumeli, kambe na i si nga ngu kuranda kwangu, va ti emisete vathangeli, aniko ani kha na tiziva; va ti mahete sithombe ngu silivhela ni nzalama yawe, kasi kuva txi loviswa.

Masalmo 33:11

Aniko makungo a Mkoma ma zumba mbimo yotshe; mipimiso ya mbilu yakwe ya simama ka liveleko ni liveleko.

1 Vafumeli 22:36

Msana ka kuswa ka ditambo, ku to pinda m'thu wokari, a txi huwelela ka mabutho ale, a txi khene: Mmweyo ni mmweyo a na tsule m'tini kwakwe, ni ditikoni kwakwe!

2 Samuwele 2:26

Sekoko Abhineri a to kwangula a txi khene ka Jowabhi: Ina ditxhari di na lovisa kala kupinduka kani? Ina awe khu ti zivi ti to ngu magwito ti na bava kani? U na lamba kugela vathu taku ve leka kututumisa vanawe kala mbimo muni kani?

Genesisi 13:8

Abramu a to khene ka Loti: “Kha kulaveki ku txi vaho kuphikizana hagari kwangu ni nawe, hagari ka vadyisi vangu ni vako, nguko hi vamwevo.

2 Makronika 11:3

Gela Robhowamu, mwana Solomoni, mfumeli wa ka Judha, ni votshe va ka Israyeli, va va ku kona Judha ni Bhenjamini, u txi khawe: