2 Makronika 11:16 - Bhiblia Yo Sawuleka

¹⁶ Msana kwawe, totshe tihunzu ta va ka Israyeli, avale va nga lava Mkoma Txizimu txa Israyeli, ngu timbilu tawe, va toya Jerusalema kuya ningela mhamba ka Mkoma Txizimu txa vatate vawe.

2 Makronika 11:16 Referans Kwoze

2 Makronika 15:9

Se a to sengeleta votshe vathu va ka Judha, ni va ka Bhenjamini, ni valuveli va Efrayime, ni va ka Manasi, ni va ka Simiyoni, va ka Israyeli va to ta kwakwe va di tate ngutu, nguko va to wona ti to Mkoma Txizimu txakwe txi ni nene.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Hagayi 1:5

Se konkuwa, Mkoma wa Mabutho a Tiyimbi a khene: Vekani timbilu tanu amu ka tinzila tanu.

Hoseya 4:8

Vadya sionho sa vathu vangu, kambe va navela ngutu wubihi wawe.

Dhaniyeli 6:14

Ngako mfumeli a di pfite mhakeyo, a to pandiseka ngutu mbiluni kwakwe, a to thuma kuza ditambo diswa, a txi lava wutxhari wo hulukisa ngu wona Dhaniyeli.

Masalmo 108:1

Mbilu yangu yi ti lulamisete, Txizimu; yi ti lulamisete ku kudhumisa ngu tindando! Wuka, awe moya wangu!

Masalmo 62:10

Mi nga thembeni wukhinyavezi, mwendo ku ti kanganyisa ngu sile i ku sa walo. Ngako mi txi wona tithomba tanu ti txi tala, mi nga vekeni timbilu tanu ka tona.

Jobe 34:14

I tiku Txizimu txo va ni mbilu yo wukela m'thu, txi thavisa moya ni muhefemulo ka m'thu,

2 Makronika 30:11

Hambi keto, vamwani va ka Aseri, ni va ka Manasi, ni va ka Zebhuloni, va to ti veka hahatshi, ve tumela kuya Jerusalema.

1 Makronika 22:1

Se Dhavhidha a to khene: Ayiya yi na va Nyumba ya Mkoma Txizimu, ni txiya txi na va txiluvelo txa mphaxo wa kuhiswa, ka va ka Israyeli.

1 Makronika 16:29

Ningani Mkoma wudhumo wu wu fanelako ditina dakwe, tisani siningo, mi ta masoni kwakwe; Khizamelani Mkoma ha kusawulekani kwakwe.

Joxuwa 22:19

Ngako ditiko da thomba yanu di sa sawuleka, tshawunyetani mi txi ta ka ditiko da thomba ya Mkoma, aha ku ku ni dibhokiso dakwe, mi txi ta zumba hagari kwathu. Aniko mi nga wukeleni Mkoma ni kambe mi nga hambaneni ni nathu, ngu ku ti akela txiluvelo txo hambana ni txiluvelo txa Mkoma, Txizimu txathu.

Dhewuteronome 32:46

a wombile kwawe a txi khene: “Engisani ta tinene otshe mapswi awa nyamsi, ni ma fakazelako masoni kwanu, kasi ku anu mi na ma leleta ka vanana vanu, ti to va txi ma xayisa, va txi ma vekisa, otshe mapswi a mlayo wuwa.

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.

Eksodha 9:21

Aniko, avale va nga mbi khatala ngu dipswi da Mkoma, va to leka sithumi sawe ni mitxhambi yawe ya sifuyo hahanze.

1 Makronika 22:19

Konkuwa koko, lavani Mkoma, Txizimu txanu ngu mbilu yanu ni mhefemulo wanu; khukhani mi aka wusawuleko wa Mkoma Txizimu, kasi ku dibhokiso da txitumelelano txa Mkoma, ni siya so sawuleka sa Txizimu, si na tiswa ka nyumba yiya, yi yi no akwa ngu ditina da Mkoma.

2 Makronika 11:17

Ngu kumaha keto, va to tsanisa mfumo wa ka Judha, ve kuzetela Robhowamu, mwana Solomoni, malembe mararu, nguko va hetile malembe mararu va txi londeta nzila ya Dhavhidha ni Solomoni.

2 Makronika 15:12

Ve wulela ka txitumelelano txo lava Mkoma, Txizimu txa vatate vawe, ngu timbilu tawe totshe ni mihefemulo yawe yotshe,

2 Makronika 15:15

Votshe va ka Judha va to tsaka ngu kuxambanya kwawe, nguko va xambayile ngu timbilu tawe totshe, ni ngu kuranda kwawe va mu lavile va mmani; se Mkoma a to va ninga kudikha ngu madhawa otshe.

2 Makronika 19:3

Hambi keto, ku ni timhaka ta tinene a ti u nga ti maha, nguko u thavisile sipopo amu ditikoni, u lava Mkoma ngu mbilu yako yotshe.

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

2 Makronika 20:4

Va ka Judha va to sengeletana kumweko ni otshe madhoropa awe kasi kuve kombela mtamo ka Mkoma.

Zakariya 8:21

se vale va zumbako ka didhoropa dimwedo, va na ya ka dimwani, va txi ya kha vona: He tsuleni ngu txikuluveta hi ya kombela kuvhunwa ngu Mkoma, ni kuya lava Mkoma wa Mabutho a Tiyimbi; nanani na tsula.