2 Makronika 10:8 - Bhiblia Yo Sawuleka

⁸ Kambe ene a to leka wudhota wule a nga gelwa ngu madhota, se a to engisa to gelwa ngu vafana vale a nga kula kumweko nawo, avale va nga ti mthumela.

2 Makronika 10:8 Referans Kwoze

Mavingu 1:25

anu mi to khata kulamba sileleto sangu, kambe kha ma tumela kukawuka kwangu;

2 Samuwele 17:14

Sekoko Abhisalome ni votshe vavamna va ka Israyeli va to kha vona: Mapswi a Husayi, muariki, ma pfala kupinda a Ayitofeli ( nguko Mkoma a rumisile toneto, kasi kutxhipisa mapswi amanene a Ayitofeli, kuva Mkoma e tisa dikhombo txitimwi ka Abhisalome).

Isaya 30:1

Dikhombo ka vanana va i ku vakaneti, kuwomba Mkoma, ava va nga mana wudhota, va si wu mani kwangu! Kambe va nga ti vhikela ngu txivhikelo txova i si nga Moya wangu, kasi kuengetela txionho ka txionho.

Ekleziyaste 10:16

Dikhombo kwako awe ditiko, mfumeli wako i ku mwanana, vathangeli va dona vadyako ni mixo.

Mavingu 25:12

Awule a gondako ngu kuengisa sileleto, i txhuko kupinda singeda sa nzalama yo hehuka.

Mavingu 19:20

Engisa sileleto, u amukela kukawukwa, u na va txhari ka masiku ako o gwitisa.

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Mavingu 9:9

Ninga gondo ka txhari, kasi ku yi na txhariha ngutu; gondisa wo lulama, se ene a na kula mu ka mapimo.

2 Makronika 10:9

A txi khene kwawe: Mi ni gela txani anu, taku ni xamula vathu vava, va nga womba kwangu, va txi kha vona: Ina u na hehukisa mrwalo wule tate wako a nga hi khoneka, kani?

Mavingu 27:10

U nga leke mngana wako, hambi mngana wa tate wako, kambe u nga wulele nyumbani ka mwananu ngu ditshiku da mazunga.