2 Makronika 10:19 - Bhiblia Yo Sawuleka

¹⁹ Ngu toneto, va ka Israyeli va to wukela nyumba ya ka Dhavhidha, kala ditshiku da nyamsi.

2 Makronika 10:19 Referans Kwoze

Masalmo 89:30

Ngako liveleko lakwe li txi leka mlayo wangu, ngako va si tsimbili madingano ni sileleto sangu,

Ezra 9:7

Kukhukhela ka masiku a vatate vathu kala ka masiku a nyamsi, hi onhile ngutu, ngu mhaka ya wubihi wathu, hi ningetwe, athu, ni vafumeli vathu, ni vaphaxeli vathu, manzani ka vafumeli va mafu, ka ditxhari, ka wukhumbi, kupelwa, ni kukanganyiswa hi txi ti wona, nga ha hi ti wonako kala nyamsi.

2 Makronika 10:16

Ngako koko, va ka Israyeli votshe va di woni taku, mfumeli kha va engisa, vathu va to xamula mfumeli, va txi kha vona: Njiavelo muni hi ku natxo athu ka Dhavhidha kani? Kha yi nga ngadi ni thomba ka mwana Jese; Israyeli, mmwani ni mmwani a na tshumelele ditendani kwakwe! Konkuwa awe Dhavhidha wonetela ta nyumba yako. Aniko votshe va ka Israyeli va to tsula matendani kwawe.

2 Makronika 5:9

Se siñolo sa dona si ti ti laphile, aha koza titshoka ta sona ti woneka ka wukhalo wo khongela ka wona, na u di ka wukhalo wo sawuleka ngutu; ani ngu hahanze si si woneki; si zumbile konaho, kala ka ditshiku da nyamsi.)

Joxuwa 4:9

Joxuwa a to emisa mamwani marigwi a digumi ni mambidi hagari ka mnambo wa Jordhani, ka wukhalo wule va nga ti emile ka wona, vaphaxeli vale va nga ti rwate dibhokiso da txitumelelano; marigwiyo ma nga diho kala ka ditshiku da nyamsi.

Ezekhiyele 37:16

Awe koko mwanana wa m'thu, teka txipulangwana, u bhala ka txona, u txi khawe: Ngu Judha ni vanana va ka Israyeli, ni vangana vakwe. Se teka tximwani txipulangwana u bhala ka txona, u txi khawe: Ngu Josefa ndonga ya Efrayime, ni yotshe nyumba ya ka Israyeli, ni vangana vakwe.

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona: