2 Makronika 10:16 - Bhiblia Yo Sawuleka

¹⁶ Ngako koko, va ka Israyeli votshe va di woni taku, mfumeli kha va engisa, vathu va to xamula mfumeli, va txi kha vona: Njiavelo muni hi ku natxo athu ka Dhavhidha kani? Kha yi nga ngadi ni thomba ka mwana Jese; Israyeli, mmwani ni mmwani a na tshumelele ditendani kwakwe! Konkuwa awe Dhavhidha wonetela ta nyumba yako. Aniko votshe va ka Israyeli va to tsula matendani kwawe.

2 Makronika 10:16 Referans Kwoze

2 Makronika 10:19

Ngu toneto, va ka Israyeli va to wukela nyumba ya ka Dhavhidha, kala ditshiku da nyamsi.

2 Samuwele 20:1

Sekoko ku to dhuka kumaneka wamwamna wa Bheliyali, wule ditina dakwe i nga ti ti Sebha, mwana Bhikiri, m'thu wa ka Bhenjamini, wule a nga veta mpundu, a txi khene: Kha hi nga ni txyavelo ka Dhavhidha, hambi thomba ka mwana Jese; anu va ka Israyeli, mmwani ni mmwani a na tsule ditendani kwakwe.

Mtuletelo 22:16

Ani Jesu, ni rumete Ngelozi yangu, kasi ku mi fakazela timhaka tiya ti lumbako mabanza: “Ani ni diphasikela da liveleko la Dhavhidha, ni nyeleti yi phatimako hale mixo.”

1 Vakorinto 15:25

Nguko ta laveka ti to Kristu e fuma, kala kuza e veka votshe valala hahatshi ka mikondo yakwe.

Mithumo 2:30

Kambe aku i nga ti mprofeti, a ti tiziva ti to Txizimu txi mu thembisile ngu kuxambanya, ku a na fumisa ha txikhaloni kwakwe ka wukoma, mmweyo wa lixaka lakwe.

Johani 7:53

[Se va to hangalaka, m'thu ni m'thu e tsula m'tini kwakwe.]

Johani 6:66

Kukhukhela konaho, vagondiswa vavangi va to khata kutshumelela msana, ve thindeka ku mu londetela.

Luka 19:27

Se valala vangu, ava va nga mbi ti lava ku ni va fuma, va tiseni hawa, mi va daya masoni kwangu.’ ”

Amosi 9:11

Ka ditshiku dile, ni na tshumela ni guleta ditenda da Dhavhidha, di nga wa, ni vhaletela amule ku nga vharuka, ni tshumela ni wusa marumbi, ni ma aketa kufana ni masiku a kale;

Isaya 11:1

Nguko ku na mila dikhukhu ditshinani ka Jese, ni ka mitwi yakwe ku na mila didhavi di veleka mihando.

Masalmo 132:17

Konaho ni na wusa mtamo wa mfumo wa Dhavhidha, konako ni na humelelisa liwoningo la mfumeli wu ni nga msawula.

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

1 Makronika 17:14

Aniko ni na m'tsanisa nyumbani kwangu ni mu ka mfumo wangu kala kupinduka, ni txitulu txa wukoma wakwe txi na tsana ngu ha ku sigwitiko.

1 Vafumeli 11:13

kambe na mbi bhanda wotshe mfumo; nyumba yimweyo ni na ninga mwanana wako, ngu kuranda txithumi txangu Dhavhidha, ni kuranda Jerusalema, awule ni nga msawula.

2 Samuwele 16:11

Dhavhidha a to khene kambe ka Abhixayi ni ka sotshe sithumi sakwe: Wona, hambi mwanana wangu wo huma ndani kwangu, a lava ku ni daya, se a na lambisa kutxani ku ni daya mwanana wa ka Bhenjamini kani? Mlekeni e ni ruketela, nguko ngu toneto a nga gelwa ngu Mkoma.

2 Samuwele 15:13

Sekoko kutota mtumi ka Dhavhidha, a txi ta khene: Timbilu ta vathu va ka Israyeli ti londetela Abhisalome.

1 Samuwele 22:13

Sekoko Sawule a to khene kwakwe: Ngu kutxani, awe ni mwana Jese mi nga maha txikungo txo ni wukela kani? Awe u mningele sakudya ni ditxhari, kambe u wotisile ngu ngene ka Txizimu, kasi ku e ni wukela ngu ku ni mahela siduko, nga ti ti wonekako ka ditshiku diya.

1 Samuwele 22:9

Sekoko Dhowege, Muedhomi, awule nene a nga ti ni sithumi sa Sawule a to xamula, a txi khene: Ni woni mwana Jese a txita Nobhe ka Ayimeleki, mwana Ayitubhe,

1 Samuwele 22:7

Sekoko Sawule a to khene ka sotshe sithumi sakwe sile si nga ti kumweko nayo: Ni engiseni, na mikombela, anu vanana va ka Bhenjamini, ina mwanana wa Jese a na mininga anu motshenu, tithembwe ni mivhinya, ni ku motshenu e mi maha vathangeli va digumi da mazana ni vathangeli va mazana,

1 Samuwele 20:27

Ti to maheka kambe ka dimwani ditshiku, i ku da wumbidi da kumeka ka mtxima wa wuphya, ti to wukhalo wa Dhavhidha wu maneka wu si nga ni m'thu; Sawule a to khene koko ka Jonatani, mwanana wakwe: Ngu kutxani mwanana wa Jese a nga mbi ta kutadya sakudya, nyamnova ni nyamsi kani?

Valamuli 8:35

kambe kha va nga ninga kubonga ka nyumba ya ka Jerubhahali, i ku ene Gidhiyoni, ngu wotshe wunene wule a nga va mahela wona va ka Israyeli.

Luka 19:14

Aniko vathu va ditiko dakwe va ti mu vengela, ve ruma mitumi msana kwakwe, kuya womba tito: ‘Kha hi ti lavi kufumwa ngu m'thu wuwa.’ ”

2 Makronika 10:17

Kambe Rebhowamu a to sala e fuma txitimwi ka vanana va ka Israyeli vale va nga ti zumba madhoropani ka Judha.