2 Makronika 10:14 - Bhiblia Yo Sawuleka

¹⁴ Se a to va xamula mandingano ni mapswi a vafana kuloni, a txi khene: Tate wangu a nemetisile mrwalo wanu, aniko ani na engetela ku wunemeta kambe; tate wangu a mi tsayisile ngu sisephu, kambe ni na mi tsayisa ngu tihume.

2 Makronika 10:14 Referans Kwoze

Jakobe 3:14

Aniko, ngako mi di ni wukhuxu wo bava ni moya wo ti randa mipune timbiluni kwanu, mi nga ti kuliseni, kambe mi nga wombeni makuhu o kaneta ditshuri,

Dhaniyeli 6:7

Votshe vathangeli va mfumo, vafumeli ni vafumeli va ditiko, vathangeli va yimbi, ni vafumeli va matiko a hombe, va to sunga txikungo, kasi kuveka txileleto txa wukoma ni kutsanisa mlayo wuwa, waku: Ni wuhi wuwa mndani ka magumi mararu a masiku a no maha txikombelo ka txizimu txokari mwendo ka m'thu wokari, na i si nga kwako, awe mfumeli, a na rinzwe diphalani ka tingonyamo.

Ekleziyaste 10:16

Dikhombo kwako awe ditiko, mfumeli wako i ku mwanana, vathangeli va dona vadyako ni mixo.

Ekleziyaste 7:8

I txhuko magwito ka timhaka, kupinda makhatoni ka tona; ni kutimisela ngunene kupinda kutiguleta ngu mbilu.

Ekleziyaste 2:19

Se i mani a ti zivako ti to m'thuyo i nava txhari mwendo txiphukuphuku kani? Hambi keto, ene a na fumela wotshe m'thumo wangu, wule ni nga wu maha, ni wutxhari wule ni nga nigwa hahatshi ka ditambo; eto ni tona mbukanyganyisi.

Mavingu 17:14

Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

Mavingu 12:5

Malakanyo a m'thu wo lulama manene, aniko sileleto sa muonhi nzo kanganyisa.

Mtuletelo 9:3

Se ku to huma humbi ngu wutshini mule yi txi ta ha mafuni, yi ningwa mtamo wo nga wa tinhume ta ha mafuni.

Mtuletelo 9:5

Humbi yiya yi to laywa ti to yi si va dayi, aniko yi na va xanise, txipimo txa mtxhanu wa mitxima ngu maxaniselo o nga ya hume, ngako yi txi luma m'thu.

Mtuletelo 9:10

Humbiyo yi ti ni mikila yo nga mikila ya ngume ni tituna mikilani ka yona; se ka mikila yiya ku ti ni mtamo wo sikota kuxanisa vathu txipimo txa mtxhanu wa mitxima,

2 Makronika 10:13

Se mfumeli a to va xamula ngu kukarata ngutu, nguko mfumeli Rebhowamu a leka wudhota wa madhota.

2 Makronika 10:15

Ngu toneto, mfumeli kha engisa vathu, nguko kutxitxa kuwa ku ti ta ngu ka Txizimu, kasi ku Mkoma e tsanisa dipswi dakwe, dile a ngadi womba ka Jerobhowamu, mwana Nabhate, ngu mprofeti Ayasi, wa Silo.