2 Makronika 10:13 - Bhiblia Yo Sawuleka

¹³ Se mfumeli a to va xamula ngu kukarata ngutu, nguko mfumeli Rebhowamu a leka wudhota wa madhota.

2 Makronika 10:13 Referans Kwoze

Mavingu 19:27

Ema kuengisa gondo mwanangu, ngako yi txi kuvayilelisa ka mapswi a wuzivi.

Mavingu 15:1

Kuxamula ko ti veka hahatshi ka releta kuhenya, kambe mapswi o nemela ma wusa kuhenya.

2 Makronika 10:8

Kambe ene a to leka wudhota wule a nga gelwa ngu madhota, se a to engisa to gelwa ngu vafana vale a nga kula kumweko nawo, avale va nga ti mthumela.

Eksodha 10:28

Se Faro a wombile ka Mosi a txi khene: “Khukha hafuhi kwangu, aniko u nga swe u txi woneka kambe masoni kwangu, nguko ditshiku di u nota woneka khoheni kwangu, u na fa.”

Genesisi 42:30

M'thu wule a fumako ditiko dile, a hi wombawombete ngu wurena, a txi pimisa ti to hi sinyengwani ka ditiko dile.

Genesisi 42:7

Kambe Josefa a di woni vanawe, a to va ziva, aniko a to ti mahisa a txi nga mthuyo, e womba-womba navo ngu wurena. A to va wotisa, a txi khene: “Mi ta ngu hani kani?” Se vona va mxamute va txi kha vona: “Hi ta ngu ditikoni ka Kanana, ho ta xava sakudya.”

2 Makronika 10:12

Sekoko Jerobhowamu ni votshe vathu va to ta ka Robhowamu, ngu ditshiku da wuraru, madingano ni tile mfumeli a nga wombisa tona, a txi khene: Wuyani kwangu ngu ditshiku da wuraru.

2 Makronika 10:14

Se a to va xamula mandingano ni mapswi a vafana kuloni, a txi khene: Tate wangu a nemetisile mrwalo wanu, aniko ani na engetela ku wunemeta kambe; tate wangu a mi tsayisile ngu sisephu, kambe ni na mi tsayisa ngu tihume.

Mavingu 18:23

Txisiwana txi womba-womba ngu kukhongotela, aniko nyatithombe a womba-womba ngu kunemetisela.