2 Makronika 10:11 - Bhiblia Yo Sawuleka

¹¹ Ngako tate wangu a nga mi rweka mrwalo wo nemela, ani na engetela kunemela txitimwi ka mrwalo wanu; tate wangu a mi tsayisile ngu sisephu, kambe ani na mi tsayisa ngu tihume.

2 Makronika 10:11 Referans Kwoze

Mtuletelo 9:10

Humbiyo yi ti ni mikila yo nga mikila ya ngume ni tituna mikilani ka yona; se ka mikila yiya ku ti ni mtamo wo sikota kuxanisa vathu txipimo txa mtxhanu wa mitxima,

Mtuletelo 9:5

Humbi yiya yi to laywa ti to yi si va dayi, aniko yi na va xanise, txipimo txa mtxhanu wa mitxima ngu maxaniselo o nga ya hume, ngako yi txi luma m'thu.

Mtuletelo 9:3

Se ku to huma humbi ngu wutshini mule yi txi ta ha mafuni, yi ningwa mtamo wo nga wa tinhume ta ha mafuni.

Luka 10:19

Wonani, ni mi ningile mtamo wa kukanda timamba, tihume, ni kuxula wotshe wurena wa Mlala, kuwalo txilo txi no sikota ku mi mahela to biha.

Matewu 11:29

Tekani mpakato wangu, mi txi gonda ngu ngani, ani ni ku wo thutha ni wa mbilu ya kutiveka hahatshi, mi na mana kuhumula mihefemuloni kwanu.

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Isaya 47:6

Ni va henyete ngutu vathu vangu, ni nyenyezisile thomba yangu, se ni va ningete manzani kwako; khwa va pfela wusiwana, hambi txitimwi ka sikosana, u nemetile ngutu dikange dako.

1 Samuwele 8:18

Sekoko ka ditshiku donedo, mi na dila ngu mhaka ya mfumeli wanu, awu anu mi no va mi di msawute; kambe Mkoma kha na mbi mi engisa ka ditshiku donedo.

Eksodha 5:18

Ti di ngeto konkuwa tshumelani, mi txi ya thuma. Kha mi na mbiswa mi txi ningwa kambe mwasi. Hambi keto, mi na maha mthumo wa mtengo wonewo wa sitini, mi nga sikelwa.

2 Makronika 10:10

Se vafana vale ene a nga kula navo, va to m'gela, ku kha vona: U na wombisa tiya ka vathu vale va nga womba-womba ni nawe, va txi kha vona: Tate wako a nemetisile ngutu mrwalo wawe, aniko awe hi hehukisele. Se awe koko u na va xamula, u txi khawe: Litiho langu la lidotho li dhimbile kupinda txiwunu txa tate wangu!

2 Makronika 10:12

Sekoko Jerobhowamu ni votshe vathu va to ta ka Robhowamu, ngu ditshiku da wuraru, madingano ni tile mfumeli a nga wombisa tona, a txi khene: Wuyani kwangu ngu ditshiku da wuraru.