2 Makronika 10:10 - Bhiblia Yo Sawuleka

¹⁰ Se vafana vale ene a nga kula navo, va to m'gela, ku kha vona: U na wombisa tiya ka vathu vale va nga womba-womba ni nawe, va txi kha vona: Tate wako a nemetisile ngutu mrwalo wawe, aniko awe hi hehukisele. Se awe koko u na va xamula, u txi khawe: Litiho langu la lidotho li dhimbile kupinda txiwunu txa tate wangu!

2 Makronika 10:10 Referans Kwoze

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Mavingu 28:25

Awule wo tolovela kutiguleta wa wusa mazunga, kambe awule a thembako ka Mkoma, eyo a na tsaka.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Mavingu 14:16

Txhari ya thava yi vayilela to biha, aniko txiphukuphuku txa henya txi ti maha txo tsana.

Mavingu 13:16

Votshe vale vo txhariha va tsimbila ngu wuzivi, aniko txiphukuphuku txi hangalasa wuphukuphuku wa txona.

Mavingu 10:14

Titxhari ta ti xayisela wutxhari, aniko txisofu txa txiphukuphuku txo hasamula.

2 Makronika 10:9

A txi khene kwawe: Mi ni gela txani anu, taku ni xamula vathu vava, va nga womba kwangu, va txi kha vona: Ina u na hehukisa mrwalo wule tate wako a nga hi khoneka, kani?

2 Makronika 10:11

Ngako tate wangu a nga mi rweka mrwalo wo nemela, ani na engetela kunemela txitimwi ka mrwalo wanu; tate wangu a mi tsayisile ngu sisephu, kambe ani na mi tsayisa ngu tihume.

1 Vafumeli 12:1

Se Robhowamu a to tsula Sikemi, nguko votshe va ka Israyeli va tile Sikemi, ku ta mmaha mfumeli.

Mavingu 19:27

Ema kuengisa gondo mwanangu, ngako yi txi kuvayilelisa ka mapswi a wuzivi.