2 Makronika 10:1 - Bhiblia Yo Sawuleka

¹ Se Robhowamu a toya Sikemi, nguko votshe va ka Israyeli va ti tile Sikemi, ku ta mmaha mfumeli.

2 Makronika 10:1 Referans Kwoze

Matewu 1:7

Solomoni a to veleka Robhowamu, Robhowamu a to veleka Abhiya, Abhiya a to veleka Asa.

1 Makronika 12:38

Votshe vavamna vava va yimbi, va nga ti emisilwe ngu titxhatxha ta yimbi, ngu timbilu totshe, va to ta Hebroni ku ta emisa Dhavhidha kuva mfumeli, txitimwi ka votshe va ka Israyeli; ni votshe va ka Israyeli, vale va nga ti sate va ti ni mbilu yimweyo yo emisa Dhavhidha kuva mfumeli.

1 Makronika 3:10

Se mwanana wa Solomoni i Robhowamu; mwanana wakwe i Abhiya; mwana Abhiya i Asa; mwana Asa i Josafati;

1 Vafumeli 4:1

Ngu toneto, Solomoni a to va mfumeli wa dotshe ditiko da ka Israyeli.

Valamuli 9:1

Se Abhimeleki, mwana Jerubhahali, a to ya Sikemi ka tindiya ta mame wakwe, eya womba-womba navo, ni yotshe ngamu ya tate wa mame wakwe, a txi khene:

Joxuwa 24:1

Msana keto, Joxuwa a to tshanganisa totshe tihunzu ta va ka Israyeli kona Sikemi, a to ramba otshe madhota a ka Israyeli, ni vathangeli vawe, ni valamuli vawe, ni votshe vathangeli vawe va yimbi; vona va to ya maneka masoni ka Txizimu.

Joxuwa 20:7

Sekoko va to sawula Kedhesi, ditikoni ka Galileya, mmangoni ka Naftali, ni Sikemi, mmangoni ka Efrayime, ni Kiriyati-Aribhe, i ku Hebroni, mmangoni ka Judha.

Genesisi 12:6

Abramu a to tshawunyeta ditiko kala a txi ya hoka ka mkusu wa More, wu nga ti ka wukhalo wa Sikemi; sekoko Vakanana va ti akile ka dona ditiko diya.

2 Makronika 10:2

Se ku to maheka koko taku, ngako Jerobhowamu, mwana Nebhate, a di tipfite (awule a nga ti Egipta kuya barama kona ngu kuthava mfumeli Solomoni), a to wuya ngu Egipta.

2 Makronika 9:31

Se Solomoni a otete aha va ku kona vatate vakwe, a to tshotshwa Didhoropani ka tate wakwe Dhavhidha, se mwanana wa kona Robhowamu a to fuma ka wukhalo wakwe.