2 Makronika 1:4 - Bhiblia Yo Sawuleka

⁴ Aniko Dhavhidha a ti thavisile dibhokiso da Txizimu kona Kiriyate-Jeyarimi e di yisa ka wukhalo wule Dhavhidha a nga ti wu longisile; nguko a ti gwimbile ditenda kona Jerusalema.

2 Makronika 1:4 Referans Kwoze

2 Samuwele 6:17

Se va di wuletisile dibhokiso da Mkoma, va to di veka ka wukhalo wa dona, ka ditenda dile Dhavhidha a ngadi longisa; Dhavhidha a to ningela mphaxo wo hiswa, ni mningelo wa kudikha masoni ka Mkoma.

2 Samuwele 6:2

Se Dhavhidha a to khukha e tsula ni votshe vathu vale a nga ti navo, va Bhahala ka Judha, kasi kuguleta dibhokiso da Txizimu, di di dhanwako ngu Ditina, ditina da Mkoma wa Mabutho a Tiyimbi, di zumbako hagari ka makerubhima.

1 Makronika 16:1

Va di tisile koko dibhokiso da Txizimu, va to di veka hagari ka ditenda dile Dhavhidha a nga ti di gwimbile; se ve maha mningelo wa kuhiswa, ni miphaxo ya kudikha masoni ka Txizimu.

1 Makronika 15:1

Dhavhidha a to ti akela kambe nyumba Didhoropani ka Dhavhidha; a to lulamisa wukhalo wo veka ka wona dibhokiso da Txizimu, ni ku di gwimbela ditenda.

Joxuwa 9:17

Nguko mbimo yi va nga khukha vanana va ka Israyeli, va to hoka madhoropani kwawe ngu ditshiku da wuraru; se madhoropa a kona ngu awa: Gibheyoni, Kefira ni Bheherote, ni Kiriyate-Jeyarimi.

2 Makronika 5:2

Sekoko Solomoni a to sengeleta otshe madhota a ka Israyeli, ni votshe vathangeli va tihunzu, vakoma va vatate, hagari ka vanana va ka Israyeli, kona Jerusalema, kasiku va txi kwelisa dibhokiso da txitumelelano txa Mkoma, ngu Didhoropani da Dhavhidha, i ku Siyoni, ve neha dithepelani.

2 Makronika 6:2

Se ani ni ku akete nyumba yo zumba ka yona, i ku wukhalo wu u no zumba ka wona yotshe mbimo.

1 Makronika 15:3

Se Dhavhidha a to sengeleta votshe va ka Israyeli kona Jerusalema, kasi kuyisa dibhokiso da Mkoma ka wukhalo wa dona, awule a nga ti wu lulamisile.

1 Makronika 15:12

A txi khene kwawe: Anu mi vathangeli va vatate hagari ka va ka Levhi; ti sawulekiseni, anu ni vananu, kasi ku mi rwala dibhokiso da Mkoma, Txizimu txa Israyeli, mi di yisa ka wukhalo wule ni nga wu lulamisa.