2 Makronika 1:2 - Bhiblia Yo Sawuleka

² Se Solomoni a to womba ka votshe va ka Israyeli, ka vathangeli va yimbi va magumi a mazana, ni va mazana, ni ka valamuli, ni ka votshe vathangeli va dotshe ditiko da Israyeli, vathangeli va tinyumba ta vatate va kona.

2 Makronika 1:2 Referans Kwoze

1 Makronika 28:1

Sekoko Dhavhidha a to ramba kona Jerusalema votshe vathangeli va ka Israyeli, ni vathangeli va tihunzu, ni vathangeli va mitxawa, vale va nga ti thumela mfumeli, ni vathangeli va magumi a mazana, ni vathangeli va mazana, ni vathangeli va totshe tithomba ni makhalo a mfumeli, ni va vanana vakwe, kumweko ni mithenwa, ni vavamna, ni votshe vavamna va mtamo.

1 Makronika 27:1

Avava mbanana va ka Israyeli, madingano ni mtengo wawe, ni vathangeli va vatate, ni vathangeli va magumi a mazana, ni va mazana, ni vathangeli va kona, vale va nga ti thumela mfumeli ka totshe timhaka ta mitxawa, va txi wulela ni kuhuma mtxima ni mtxima, ka yotshe mitxima ya dilembe, mtxawa wumwani ni wumwani wu ti ti ni 24.000 wa vathu.

2 Makronika 30:2

Nguko mfumeli a ti ti mani silayelo sa vathangeli vakwe ni sa wotshe msengeletano kona Jerusalema saku va txi maha Pasika ngu mtxima wa wumbidi.

2 Makronika 29:20

Se mfumeli Ezekhiya a to wuka ni mixo eya sengeleta vathangeli va didhoropa se a kwelela navo veya Nyumbani ka Mkoma.

1 Makronika 29:1

Dhavhidha a to womba kambe ka wotshe msengeletano a txi khene: Mwanana wangu Solomoni, ngene ekha a nga sawulwa ngu Txizimu, i ngadi mfana, kha se va ni mtamo, na kona mthumo wuwa mbwa hombe; nguko nyumba hi nga ya m'thu kambe nja Mkoma Txizimu.

1 Makronika 24:31

Se mthangeli wa nyumba ya vatate vawe kumeko ni mnanda wakwe, va to xaxuva tixolo kufana ni vanawe, vanana va Aroni, masoni ka Dhavhidha, ni Zadhoki, ni Ayimeleki, ni vathangeli va vatate, hagari ka vaphaxeli ni hagari ka Valevhi.

1 Makronika 24:4

Se va to mana taku vanana va Eleyazari mbavangi ngutu hagari ka vathangeli va mimwaya, kupinda vanana va Itamari, mbimo yile va nga abaniselwa; ka vanana va Eleyazari, va mani digumi da vathangeli ni mtxhanu ni vararu va tinyumba ta vatate, kambe ka vanana va Itamari, madingano ni tinyumba ta vatate vawe, mtxhanu ni vararu.

1 Makronika 15:12

A txi khene kwawe: Anu mi vathangeli va vatate hagari ka va ka Levhi; ti sawulekiseni, anu ni vananu, kasi ku mi rwala dibhokiso da Mkoma, Txizimu txa Israyeli, mi di yisa ka wukhalo wule ni nga wu lulamisa.

1 Makronika 15:3

Se Dhavhidha a to sengeleta votshe va ka Israyeli kona Jerusalema, kasi kuyisa dibhokiso da Mkoma ka wukhalo wa dona, awule a nga ti wu lulamisile.

1 Makronika 13:1

Se Dhavhidha a to maha txikungo ni vathangeli va yimbi va magumi a mazana, ni va mazana, ni votshe vathangeli;

2 Makronika 1:3

Se Solomoni ni wotshe msengeletano wule a nga ti nawo va to tsula mmangoni ka Gibheyoni, nguko di ti ti koneyo ditenda da msengeletano wa Txizimu, dile Mosi, txithumi txa Mkoma a nga ti di gwimbile txiwulani.

1 Vafumeli 3:4

Se mfumeli a to tsula Gibheyoni kuya phaxela kona, ngu kona i nga ti ti wukhalo wo guleka ngutu, a to ya ningela digumi da mazana a miphaxo ka txiluvelo txile.