2 Makronika 1:11 - Bhiblia Yo Sawuleka

¹¹ Sekoko Txizimu txi to kha txona ka Solomoni: A ku mbilu yako yi nga kombela tiya, u nga mbi ti kombelela tithomba, mikhokhola ni nduma, hambi kufa ka vale va ku karatako, mwendo kukombela kuhanya masiku o tala, aniko u ti kombelete wuzivi ni wutxhari, kasiku u na ziva kulamula timhaka ta vathu vangu, ava ni nga kuveka kuva mfumeli txitimwi kwawe,

2 Makronika 1:11 Referans Kwoze

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Mavingu 23:7

Nguko a ti a nga ti alakanya, ti mbiluni kwakwe; ene a na kugela ku khene: Dyana kha kwati u sela; na kuve mbilu yakwe kha yi nga ni nawe.

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Jakobe 3:13

I mani hagari kwanu a zivako, kambe na a di txharihile, kani? A na kombise ngu mahanyelo akwe a kutiveka hahatshi ni a wuzivi.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

Vahebheru 4:12

Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

Mithumo 5:4

Thembwe yi sinzi kuxaviswa ina i ti si nga yako kani? Mhaka yiya yi wulelisile kutxani mbiluni kwako kani? Khwa hembela vathu, aniko u hembete Txizimu.”

Mavingu 14:8

Wutxhari wa m'thu wamnene ngu kuziva nzila yakwe, aniko wuphukuphuku wa siphukuphuku wa kanganyisa.

1 Makronika 28:2

Se mfumeli Dhavhidha a to khukha a txi ema, a txi khene: Ni engiseni vanathu, anu vathu vangu: Ni ti ni makungo mbiluni kwangu o aka nyumba yo humula ka yona dibhokiso da txitumelelano txa Mkoma, ni ya txikhigetelo txa mikondo ya Txizimu txathu, se ani ni ti ti lulamisete kuaka.

1 Vafumeli 8:18

Kambe Mkoma a ti khene ka tate wangu Dhavhidha: Ngako u nga alakanya mbiluni kwako kuakela nyumba ditina dangu, u mahile kwati u nga alakanya mbiluni kwako.

2 Makronika 1:12

Wuzivi ni wutxhari ni na kuninga, se kambe na kuninga tithomba, ni mikhokhola, ni nduma, asile si nga mbi manwa ngu mfumeli wo khata, kha si na mbi manwa ngu m'thu ka vale vatako msana kwako.

1 Vafumeli 10:24

Se vathu va dotshe ditiko va txi lava kuwona khohe ya Solomoni, kasi vepfa wutxhari wule Txizimu txi nga ti vekile mbiluni kwakwe.

Mavingu 8:15

Vafumeli va fumiswa ngu ngani, ni vathangeli va ruma wululamo.