2 Makronika 1:1 - Bhiblia Yo Sawuleka

¹ Se Solomoni, mwana Dhavhidha, a to tsana amu ka mfumo wakwe; aniko Mkoma, Txizimu txakwe, a ti ni nene, atxi mkulisa ngutu.

2 Makronika 1:1 Referans Kwoze

1 Makronika 29:25

Se Mkoma a to kulisa Solomoni, ngutu-ngutu masoni ka votshe va ka Israyeli; e kulisa mfumo wakwe, kupinda wa vafumeli votshe vale va nga maneka ka Israyeli.

1 Vafumeli 2:12

Se Solomoni a to khalahatsha ha txikhaloni ka wukoma wa Dhavhidha, tate wakwe, wukoma wakwe wu to tsana ngutu.

Genesisi 39:2

Mkoma a ti ti ni Josefa, ngu mhaka yeto, totshe takwe ti ti tsimbila kha kwati, e zumba a txi thumela nyumbani ka nyamne wakwe wa Muegipta.

Genesisi 21:22

Se ku to maheka taku, ka yona yile mbimo, Abhimeleki ni Fikoli, mthangeli wa dibutho dakwe da yimbi, e womba-womba ni Abrahamu, a txi khene: “Txizimu txi ni nawe, ka totshe ti u ti mahako.

1 Makronika 17:8

Ni ti ti kumweko ni nawe kotshe amu u nga ti tsimbila-tsimbila kona, aniko ni fuvisile votshe valala masoni kwako, ni mahile ti to ditina dako di fana ni ditina da vathangeli va vakuho ha mafuni.

1 Vafumeli 2:46

Se mfumeli a to ruma ti to Bhenaya, mwana Joyadha, a txi mkoyola, efa, wu txi tsanisiswa eto mfumo, manzani ka Solomoni.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Genesisi 39:21

Mkoma a ti ti kumweko ni Josefa, a txi telwa ngu wumbilu ngu ngene, a txi maha ti to e mana mathomo, masoni ka mxayisi wa mkora.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

1 Makronika 29:30

kumweko ni wotshe mfumo wakwe, ni mtamo wakwe, ni ti ti nga maheka ka timbimo takwe, ni txitimwi ka Israyeli, ni txitimwi ka yotshe mifumo ya matiko ale.

2 Makronika 32:23

Vathu vavangi va to tisa simaha Jerusalema, ku ta ninga Mkoma, ni simaha sa lisima ngutu ve ta ninga Ezekhiya, mfumeli wa va ka Judha, kukhukhela koneho a to guleka masoni ka matiko otshe.

Genesisi 39:3

Nyamne wakwe a to khata ku ti wona ti to Mkoma a ti ti kumweko ni Josefa, ni ti to wa mninga mathomo ka totshe ti a ti mahako.

Joxuwa 3:7

Se Mkoma a to khene ka Joxuwa: Nyamsi ni na khata ku kukulisa masoni ka votshe va ka Israyeli, kasi kuve ziva tito, ni na va kumweko ni nawe, nga kule ni ngava kumweko ni Mosi.

1 Makronika 22:11

Konkuwa koko, mwanangu, Mkoma a nave ni nawe, se pfala, u aka Nyumba ya Mkoma, Txizimu txako, nga tile ene a nga wombisa tona kwako.

1 Makronika 22:16

Ka nzalama, ni silivhela, ni koporo, ni txikete, kha si na mtengo; khukha koko, u maha mthumo, se Mkoma a nave ni nawe.

1 Makronika 29:23

Se Solomoni a to khalahatsha ha txikhaloni ka Mkoma, mfumeli ka wukhalo wa Dhavhidha, tate wakwe, se a to humelela; kambe votshe va ka Israyeli va to mu engisa.