1 Vakorinto 8:3 - Bhiblia Yo Sawuleka

³ Aniko, ngako m'thu a txi randa Txizimu, eyo wa ziwa ngu txona.

1 Vakorinto 8:3 Referans Kwoze

Eksodha 33:17

Sekoko Mkoma a to khene ka Mosi: “Ni na maha ati u ni kombelako, nguko u mani dithomo masoni kwangu, ni kambe na kuziva ngu ditina dako.”

Nahume 1:7

Mkoma mnene, dikhokhola ka ditshiku da xomulo, kambe wa va ziva ava va thembako kwakwe.

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

1 Vakorinto 2:9

Aniko, nga tiya ti nga bhaliswa tona, nzimaha si “hambi maso ma si sikotiko ku si tshanganisa, hambi tinzeve ti si sikotiko ku si engisa, hambi mialakanyo ya m'thu yi si sikotiko ku si pima, asile Txizimu txi nga lulamisela avale va txi dhundako.”

Vagalatiya 4:9

Aniko konkuwa, ngako mi txi zivako Txizimu, mwendo, ngu mawombelo a txhuko, ngako mi ziwako ngu Txizimu, ti mahisa kutxani kutshumela kambe mi ya ka sa ku ambi na mtamo ni sa wusiwana, mi lava ku ti maha sithumi sa sona kani?

Mtuletelo 2:19

Na yi ziva mithumo yako, lirando lako, likholo lako, kukhutala kwako, kutimisela kwako, mithumo yako yo gwitisa yi tate ngutu kupinda yo khata.

Jakobe 1:12

A katekile m'thu wu a amukelako txiduko ngu kutimisela; nguko, a di gwitile kudukwa, a na amukela m'bhoti wa wutomi, awu Mkoma a nga wu thembisa ka vale va mrandako.

Jeremiya 1:5

“Ni ku zivile ni si se kuwumba mndani ka mwamwako; kambe na u si se velekwa ni kusawute, kuva mprofeti wa matiko.”

Johani 10:14

Ani ni M'dyisi wamnene, tinvuta tangu na tiziva, nitona tinvuta tangu ta ni ziva.

Matewu 7:23

Konaho, ani ni nata va gela ha kubasani ni txi khani: ‘Txima kha na mi ziva; hambukani kule ni nani, anu vamahi va sionho.’ ”

Masalmo 1:6

Nguko Mkoma wa yi ziva nzila ya valulami, kambe nzila ya vabihi yi yisa kulovani.

1 Johani 4:19

Athu hi na ni lirando, nguko txi khatile Txizimu txi hi randa.

Mtuletelo 2:9

Na kuziva kuxaniseka kwako ni wusiwana wako kambe awe u nyatithombe, ni ziva ni siruko si va ku rukako ngu sona vamwani va ti dhanako ku mba Judha, na i si nga vona, aniko vona i disinagoga da Sathani.

1 Pedro 1:8

Ene wu mi mrandako, hambiko mi sinziko ku mu wona; ene wu mi kholwako kwakwe, atiya ti na mi ninga kutsaka ko mbi balwa ni kutala ni wudhumo;

Eksodha 33:12

Mosi a to womba ka Mkoma a txi khene: “Awe Mkoma u ni gete u txi khawe: Humisa vathu vava; aniko khwa ni komba awule u no mruma ni nani. Kambe u ti khawe: Na kuziva ngu ditina dako, se u mani dithomo masoni kwangu.”

Masalmo 17:3

U xote mbilu yangu; u ni endete ni wusiku; u ni xolisisile, aniko khwa mana to biha; ni to pimisa ku khani, txisofu txangu kha txi na mbi tsulupeta.

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Johani 21:17

A to mu wotisa da wuraru, a txi khene: “Simoni, mwana Johani, awe wa ni randa kani?” Pedro a to thelwa dikhodho nguko Jesu a nga mu wotisa ka wuraru, a txi khene: “Awe wa ni randa kani?” Se a mu xamute, a txi khene: “Mkoma, awe wa tiziva totshe. Awe wa tiziva ta tinene ti to ani na kuranda.” Jesu a mgete, a txi khene: “Dyisa tinvuta tangu.

Jakobe 2:5

Engisani, vanathu vo randeka: Ina kasi Txizimu kha txa langa vathu va sisiwana ditikoni muwa, kufela kuve maha vanyatithombe mu ka likholo, ni vadyi va thomba ya Mfumo wu txona Txizimu txi nga wu thembisa ka vale va txi randako, kani?

Varoma 11:2

Txizimu kha txa tshotsha vathu va txona, ava txi nga va ziva ngu kale. Mwendo mo va mi si ti zivi ati ti wombwako ngu Mibhalo, ti txi womba ngu Elija, mbimo yi a nga dila ka Txizimu, a txi mangalela va ka Israyeli, a txi khene:

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

1 Vakorinto 13:12

Nguko, konkuwa, so maha hi si wonela kule kota nga kule ka kulavetetela ngu txibuko. Kambe ka yoneyo mbimo, ku nata va kuwonana ka khohe ni khohe. Konkuwa, na ziva ka kudotho, kambe ka yoneyo mbimo, ni nata ziva nga ti nanani ni ziviswako tona ngu Txizimu.

1 Johani 4:7

Vorandeka, he randaneni, nguko lirando lita ngu ka Txizimu, votshe va vo randeka, va velekilwe ngu Txizimu, se va txi ziva Txizimu.