1 Vakorinto 4:2 - Bhiblia Yo Sawuleka

² Se vaaveli ta laveka va txi maneka i di vo thembeka.

1 Vakorinto 4:2 Referans Kwoze

Matewu 25:21

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Luka 12:42

Mkoma a xamute a txi khene: “Ngu wuhi muwoneleti wo thembeka ni kutxhariha, awu Mkoma a no mu veka masoni ka sithumi, kasiku e avela sakudya ngu mbimo yi yi lavekako kani?

Matewu 25:23

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Mavingu 13:17

Txirumwa txo biha txi wela kubihani, aniko txirumwa txo thembeka ngu hanya.

Mitengo 12:7

Kambe kha ni mahi eto ka Mosi txithumi txangu; a thembekile amu nyumbani kwangu kotshe.

Vakolosa 4:17

Gelani kambe Arkipo mi txi khanu: “Tsimbitisa kha kwati mthumo wu u nga wu amukela manzani ka Mkoma; wu thume ngu tifanelo ta tinene.”

2 Vakorinto 2:17

Nguko athu kha hi fanani ni vamwani vathu vavangi, ava va mahako dibhindu do biha ngu dipswi da Txizimu. Aniko ngu txona Txizimu txi nga hi ruma. Se ngu toneto, hi womba-womba ha kubasani mapswi o tuletelwa ngu Txizimu, nga sithumi sa Kristu.

Vakolosa 1:7

Mi gondisilwe ngu Epafrasi, mngana wathu ni txithumi kulothu, awu a hi vhunako nga txithumi txo thembeka txa Kristu;

1 Vakorinto 7:25

Ka vale va sinziko kuteka mwendo kutekwa, kha ni nga ni txileleto txa didhawa da Mkoma, aniko na veka mawonelo angu, kota nga wu a nga mana wumbilu ka Mkoma, kasi e va i di wo thembeka.

2 Vakorinto 4:2

Athu hi lekile matsimbilelo o sisala ni a tingana, se kha hi tsimbili ngu marindi, kambe kha hi timeti dipswi da Txizimu; aniko ngu kuhumisa ditshuri ha kubasani, hi txi khutala ngu kuva hi maneka hi di thembekile masoni ka livhalo la votshe vathu ni masoni ka Txizimu.

Vakolosa 4:7

I di mahungu a ti ni hanyisako tona, a nata mi xawutela totshe ene Tikiko mwanathu wo randeka, txithumi txo thembeka, txithumi kulothu mthumoni ka Mkoma.

1 Vakorinto 4:17

Ngu konaho, ni mi rumete Timoti, i ku mwanana wangu wo randeka ni kuthembeka ngutu ngu ka Mkoma; ene a na mi alakanyisa tinzila tangu ta likholo ka Kristu, nga ti ni nga gondisisa tona ka otshe makhalo, ka otshe mabanza.

2 Vafumeli 12:15

Kambe va ti si kombeli m'biko wa mthumo wa male yile, nguko i ti ti vo thembeka amu ka mathumiselo a male, va txi ningela ka vale va nga txi maha mthumo wa kona, nguko va txi maha ngu kuthembeka.

2 Vafumeli 22:7

Kha va nga londiselwa ka mhaka ya male yile va nga ti ti ningilwe manzani kwawe, nguko va ti ti yi thumisa ngu kuthembeka.

1 Vakorinto 4:1

Ti di ngeto, vathu kulaveka va txi hi ziva nga hi sithumi sa Kristu ni ti to hi vaaveli va sixamaliso sa Txizimu.

1 Vakorinto 4:3

Ani ngu txangu, kha ni khatali ngu kulamulwa ngu nganu, mwendo kulamulwa ngu vathu, hambi ani ngu wutumbu wangu kha ni ti lamuli nipune.