1 Vakorinto 4:1 - Bhiblia Yo Sawuleka

¹ Ti di ngeto, vathu kulaveka va txi hi ziva nga hi sithumi sa Kristu ni ti to hi vaaveli va sixamaliso sa Txizimu.

1 Vakorinto 4:1 Referans Kwoze

1 Pedro 4:10

Kota vaxayisi vavanene va tikateko ta Txizimu, mmwani ni mmwani kwanu a na vhune vakwawe ngu txiningo txi a nga hiwa.

Titosi 1:7

Mthangeli wa dibanza a fanete kuva a si nga ni txisolo, ngako i ku muwoneleli wa Txizimu; kulaveka i si nga wo tikulisa, a si nga ni txihenyisani, i si nga disela, i si nga muwusi wa mazunga, a si nga ni timbiti ta dibhindu do mbi lulama.

1 Timoti 3:9

ve veketa msisalo wa likholo ngu livhalo lo basa.

2 Vakorinto 4:5

Nguko kha hi ti wombeli athu ngu wutumbu, aniko hi womba ti taku Jesu Kristu ngene i ku Mkoma. I di athu, hi sithumi sanu ngu mhaka ya Jesu.

Vaefesu 6:19

Nanani ni kombeleleni, kasiku Txizimu txi txi ni tula khana, mbimo yi ni lavako kugondisa, ti to ni sikota kuwombawomba, ni si thavi txilo, ni txi zivisa vathu txikungo txa Evhangeli;

Vakolosa 2:2

kasiku timbilu tawe ti txi tsaniswa; se, ti di tshanganisilwe ngu lirando, ti na ningwa kutalelwa ngu kupfisisa ko hetiseka ni wuzivi wa misisalo ya Txizimu, i ku Kristu apune;

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

Vakolosa 4:3

mi txi hi kombelela nathu, kasiku Txizimu txi hi tulela nzila ya kutxhumayela kwathu, hi sikota kuhuwelela msisalo wa Kristu, ani ni maneka mkorani ngu mhaka ya wona msisalowo.

Vaefesu 1:9

txi hi ninga kuziva makungo a kusisaleka a kuranda ka txona, kota nga ti ti nga txi tsakisa ku ti maha, ngu kale ni kale ngu ka Kristu,

2 Vakorinto 12:6

Idiku no lava ku ti dhumisa keyo mhaka, i ti si nga wuphuphulu, i ti ka so va ditshuri. Aniko kha ni na ku ti dhumisa, nguko mmwani a nga thuka a txi pimisa ngu ngani ati ti ku txitimwi ngutu kupinda ti a ti wonako, mwendo ti a ti engisako ngu ngani.

2 Vakorinto 11:23

Nzithumi sa Kristu kani? Ni wombisa wuphuphulu, ni txi khani: Ani na va pala ngutu. Na va pala ngu mithumo, ni seketwe sikhati sasingi mikorani, kupinda vona; ni kwapetwe ngutu ngu sisephu kupinda vona, sikhati sasingi ni manekile ni di ha phangoni ka kufa.

Luka 12:42

Mkoma a xamute a txi khene: “Ngu wuhi muwoneleti wo thembeka ni kutxhariha, awu Mkoma a no mu veka masoni ka sithumi, kasiku e avela sakudya ngu mbimo yi yi lavekako kani?

Matewu 24:45

“Ngu toneto, i mani i ku txithumi txo thembeka na a di ni wutxhari, awu a nga vekwa ngu nyamne masoni ka sithumi sakwe, kasiku e si phamela sakudya ngu txikhati txi txi fanelako kani?

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

1 Timoti 3:6

Kulaveka i si nga wu i ku ngadi kwakwe kuhunduluka, kasiku asi ti kulisi, se e wela mu kuabaniswani ka Sathani.

2 Vakorinto 6:4

Aniko, ka totshe hi dhunda kukombisa ti to hi sithumi sa Txizimu; ngu kutimisela ka hombe sikaratoni ni wusiwanani ni mu tiphangoni.

1 Vakorinto 4:13

hi txi singetwa makuhu, athu hi womba mapswi a thavelelo. Hi hindukile hi txi nga ho va nzambwa ya mafu, ditala da votshe, kala ditshiku da nyamsi.

1 Vakorinto 3:5

Hi ngani ni gela: I mani Apolosi kani? I mani Paulo kani? Vona nzithumi dwe, asi mi nga amukeliswa ngu sona likholo, na ti txi tsimbila ngu hawa mmwani ni mmwani a nga ningiswa tona ngu Mkoma.

1 Vakorinto 2:7

Aniko athu hi gondisa wuzivi wa Txizimu, awu wu nga tumbetwa ngu makungo a txona, txi txi nga sisala ni konkuwa, awu wu nga sikelwa ngu kale ni kale ti to wu na maha wudhumo wathu,

Marku 4:11

Se a txi khene kwawe: “Anu mi ningilwe kuziva misisalo ya Mfumo wa Txizimu, kasi ka vale va ku hahanze, totshe ti humelela ngu sidinganiso,

Matewu 13:11

Se ene a to va xamula a txi khene. “Nguko anu mi ningilwe kuziva misisalo ya Mfumo wa nzumani, aniko vona kha va ningwa txilo.

Luka 8:10

Ene a ti khene kwawe: “Anu mi ningilwe kuziva misisalo ya Mfumo wa Txizimu, kambe vamwani va gelwa ngu sidinganiso, tito, hambi va txi wona, va si wonisisi, hambi va txi engisa, va si ti pimi.”

Luka 1:2

avava va nga hi xawutela tona ngu vale, kukhukhela makhatoni, va nga ti wona ngu maso awe, na kambe i di vatxhumayeli va Dipswi.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

1 Vakorinto 4:2

Se vaaveli ta laveka va txi maneka i di vo thembeka.