1 Vakorinto 1:8 - Bhiblia Yo Sawuleka

⁸ i ku ene kambe a nota mi tsanisa kala kuza mi maneka mi di vo lulama ka ditshiku diya a nota ene Mkoma wathu Jesu Kristu.

1 Vakorinto 1:8 Referans Kwoze

1 Vatesalonika 3:13

Mkoma a na tsanise timbilu tanu amu ka wusawuleki wo mbina dikhwiti masoni ka Txizimu, Tate wathu, ngu mbimo ya kuta ka Mkoma wathu Jesu, kumweko ni votshe vasawuleki vakwe.

Vakolosa 1:22

se konkuwa txona Txizimu txi mahile ti to mi txi wuyelelana natxo ngu Mwanana wa txona, a nga hanya mmidini ka m'thu e tshumela efa, kasiku mi txi yiswa masoni ka Txizimu mi di vo sawuleka, mi si nga ni txisolo,

Vafilipiya 1:6

Na themba ti to awule a nga khata mthumo wa wunene kwanu, a na wu hetisa kala kuhoka ka ditshiku da Jesu Kristu.

2 Vatesalonika 3:3

Aniko, Mkoma mbwo thembeka: Ene a na mi ninga kutsana, a na mi vhikela ka m'bihi.

Vaefesu 5:27

kasiku a txi di emisa masoni kwakwe, i di Dibanza do tshura, adi di ku si nga ni sibawa mwendo tingonye, mwendo tximwani txo fana ni soneso; aniko di txi maneka i di do sawuleka, adi di ku si nga ni txionho.

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Vafilipiya 1:10

kasiku mi sikota kusawula ati i ku ta tinene ngutu, mi va mi di ni ditshuri ni wululami ka ditshiku da Kristu,

2 Pedro 3:14

Ngu kota yeto, vo randeka, na mi txi rinzela simaha siya, ti karateni kufela ku ene a txi ta mi mana mi di basile, mi si nga ni txisolo, kambe a ne ta mi mana mi di ni kudikha.

Varoma 14:4

U mani awe u lamulako txithumi txa mmwani kani? Mwendo txithumi txiya txa ema mwendo txa wa, eto ti ziwa ngu nyamne wa txona; aniko txona txi na ema, nguko Mkoma a ni mtamo wo txi emisa.

Masalmo 37:28

Mkoma a randa kululama ene kha leki vathu va va mthembako. Ene wa va vhikela yotshe mbimo, aniko liveleko la vabihi li na fuviswa.

2 Pedro 3:10

Kambe ditshiku da Mkoma di na tisa ku nga dikhamba; ka donedo ditshiku, tinzuma ti na pinda ti txi dhinda ngutu, tinyeleti ti na nyivilika ngu kupfa kuhisa ka hombe; ditiko ni mithumo ya dona si na hya si txi guma.

2 Vakorinto 1:21

Ngu txona Txizimu txi hi tsanisako athu ni nanu ka Kristu, txi txi hi sawulekisa ngu ku hi tota mafura.

Masalmo 37:17

Nguko Mkoma wa funyeletela mawoko a vabihi, e tsanisa ava va mahako ta tinene.

2 Vakorinto 1:14

Nguko, se ma hi ziva ngu phuho yimwani, kambe ma ti dhumisa ngu ngathu, kufana ni nathu hi nota ti dhumisa ngu nganu, ka ditshiku da Mkoma wathu Jesu.

1 Vakorinto 5:5

mamoyo a na ningelwe ka Sathani, ka lifo la mmidi, kasiku moya wakwe wu txi hanyiswa ka ditshiku da Mkoma.

Luka 17:24

Nguko, kufana ni kukeluka ka nzuma ku kelukako kukhukhela ka phuho yimweyo ya nzuma kala ka yimwani phuho, nene Mwanana wa M'thu a na mahisa toneto ngu ditshiku dakwe.

Luka 17:30

Ti na vanga toneto, ditshiku di Mwanana wa M'thu a no humelela ngu dona.”

Varoma 8:19

Kha ditshuri, sotshe si si nga vangwa sa rinzela ni kunavela ti to Txizimu txi txi wonekisa vanana va txona ha kubasani.

1 Vakorinto 3:13

wu na tikomba mthumo wa m'thu ni m'thu, nguko ditshiku da kuta ka Mkoma di nata wu landula.

2 Vakorinto 1:13

Kunene, athu kha hi mi bhaleli timhaka timwani to hambana ni tile mi gondako, ati mi ti zivako mapapiloni kwathu. Se, na themba ti to mi na tiziva totshe kala magwito.

Vakolosa 2:7

zimani mikoloti kwakwe, mi txi akwa txitimwi kwakwe, mi txi tsaniswa amu ka likholo, nga ti mi nga gondisiswa tona, mi txi tala ngu kubonga.

1 Vatesalonika 5:2

Nguko anu ma tiziva ta tinene taku ditshiku da Mkoma di na tisa ku nga dikhamba ahawa ka wusiku.

2 Vatesalonika 2:2

ha mi kombela, ti to mi si kuluveti mi txi dekadekiswa timbiluni kwanu, ti to mi si dhukiswi ngu dipswi da wuprofeti, hambi ngu mawombelo mamwani, mwendo dipswi di di ku ngadi ta ngu kwathu, asi si ndino mi ninga kukholwa ti to ditshiku da Mkoma di hokile.

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

2 Timoti 1:18

Mkoma a na mninge kumana wumbilu masoni kwakwe kedo ditshiku. Awe, kupinda vamwani, wa yi ziva ngutu mithumo yi ene a nga ni mahela didhoropani ka Efesu.