1 Vakorinto 1:2 - Bhiblia Yo Sawuleka

² ka Dibanza da Txizimu, adi di ku Korinto, ka va va nga sawulekiswa ngu Kristu Jesu, ava va nga dhanelwa ku ta maha vasawuleki kumweko ni votshe va va khongelako, hani ni hani, ngu ditina da Mkoma Jesu Kristu, i ku Mkoma wawe ni wathu.

1 Vakorinto 1:2 Referans Kwoze

Varoma 1:7

Ka motshenu mi manekako Roma, mi ku va kudhundeka ka Txizimu, mi nga dhanwa ku ta maha valulami, na mi navelela makatekwa ni kudikha ka Txizimu Tate wathu, ni ka Mkoma Jesu Kristu.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Vahebheru 13:12

Ngu toneto, Jesu, kufela kubasiswa vathu ngu mnoha wakwe wupune, a dawetwe hahanze ka txike txa didhoropa.

1 Vatesalonika 4:7

Nguko, Txizimu kha txa hi dhanela ku ta hanya nzambwani, aniko txi hi dhanete ku ta hanya kusawulekani.

Vahebheru 10:10

Se ngu kona kuranda kuwa, athu hi basisilwe ngu kuningelwa ka mmidi wa Jesu Kristu, awu wu nga ningelwa kumweko dwe, wu txi maha mhamba yo mbi na magwito.

2 Vakorinto 4:5

Nguko kha hi ti wombeli athu ngu wutumbu, aniko hi womba ti taku Jesu Kristu ngene i ku Mkoma. I di athu, hi sithumi sanu ngu mhaka ya Jesu.

Mithumo 9:14

Se ahawa a tile a di ningilwe mtamo ngu vaphaxeli va hombe, wo sungelela votshe va va dhumisako ditina dako.”

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Judha 1:1

Judha, txithumi txa Jesu Kristu, mwanawe Jakobe, ka vale va nga dhanwa, va randekako ka Txizimu Tate, ni kuveketwa ngu Jesu Kristu:

Vahebheru 2:11

Nguko, hambi M'basisi, hambi va va basiswako, va huma ka Tate mmweyo. Ngu mhaka yeto Jesu, kha kanakani ku va dhana ti to i vanawe, nga mapswi awa,

2 Timoti 1:9

atxi txi nga hi hanyisa, txi hi dhana ngu madhanelo o sawuleka; txi hi dhani i si nga ngu mhaka ya mithumo yathu, aniko ngu mhaka ya kuranda ka makungo a mbilu ya txona ni kateko ya txona. Hi ningilwe kateko yiya ngu ka Kristu Jesu, ti sinzi ku va ho timbimo.

1 Timoti 3:15

kasiku ngako ni txi thuka ni txi swela, u na ziva ti u fanelako kuhanyisa tona nyumbani ka Txizimu, i ku Dibanza da Txizimu txi txi hanyako: Ngu dona i ku phande ya hombe ni txihiketo txa ditshuri.

2 Vatesalonika 1:1

Paulo, ni Silivhano, ni Timoti, ka Dibanza da Vatesalonika, ava va lumbako Txizimu Tate wathu, ni Mkoma Jesu Kristu.

1 Vatesalonika 1:1

Paulo, ni Silivhano, ni Timoti, ka Dibanza da Vatesalonika, ava va lumbako Txizimu Tate, ni Mkoma Jesu Kristu. Kateko ni kudikha si nave ni nanu!

Vaefesu 5:26

kasiku a txi di kuwula ngu mati, ni ku di basisa ngu dipswi,

2 Vakorinto 1:1

Ani Paulo, Mpostoli wa Jesu Kristu, ngu kuranda ka Txizimu, kumweko ni mwanathu Timoti, ha losa Dibanza da Txizimu di di ku Korinto, ni votshe vasawuleki va manekako ditikoni kotshe ka Akaya.

1 Vakorinto 8:6

kambe kwathu kha txi nga ho tximwani hahanze ka Txizimu tximwetxo dwe, Tate wu, sotshe si tako ngu kwakwe, awu, hotshethu hi hanyelako ene; ni Mkoma mmweyo dwe, Jesu Kristu, awu, sotshe si hanyako ngu ngene, ni nathu hi hanyako ngu ngene.

Varoma 10:12

Kha ku nga ho kuhambana hagari ka Mujudha ni Mugriki, nguko Mkoma wawe i mmweyo, awu a ku ni wuha ka votshelele va va m'khozelako.

Varoma 3:22

Ti to kululama ka Txizimu ku ka vale va kholwako ka Jesu Kristu. Txizimu txi maha toneto ka vale va kholwako, nguko kha ku nga ho kuhambana hagari ka vathu.

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Mithumo 18:1

Msana ka toneto, Paulo a to khukha Atena e tsula Korinto.

Mithumo 15:9

Kha txa hambanisa txilo hagari kwawe ni nathu, nguko txi basisile timbilu tawe ngu likholo:

Mithumo 10:36

Ngu yoneyo mhaka Txizimu txi nga yi rumela ka vanana va ka Israyeli, txi nga va txhumayela mahungu a maphya a kuthutha, ngu Jesu Kristu, i ku Mkoma wa votshelele.

Mithumo 9:21

Se votshe va va nga ti mu engisa, va to xamala ngutu, va txi kha vona: “Ina hi nga ene wu a nga ti ti xanisa, ani Jerusalema, avale va nga ti ti dhumisa ditina diya kani? Ina ene kha tela ku ta va teka, va di sungilwe, e va yisa ka vaphaxeli va hombe kani?”

Masalmo 45:11

nguko mfumeli a bzwetilwe ngu kutshura kwako; ene ngene mkoma wako: Mu vekele txithavo!

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.

Genesisi 4:26

Nene Sete a mani mwanana, awu a nga mraya ku i Enosi; sekoko ku to khata kukhozelwa Mkoma.

2 Timoti 2:22

Vayilela minavelo yo biha ya vavaphya. Tsimbila ngu nzila yo lulama, ya likholo, ya lirando, ya kudikha, kumweko ni vale va khongelako ngu ditina da Mkoma, ngu mbilu yo basa.

Vagalatiya 1:2

kumweko ni vanathu ava ni ku navo, ni bhalela mabanza a Galatiya.

Mithumo 9:13

Kambe Ananiya a to xamula, a txi khene: “Mkoma, ni engisile vathu votala, va txi womba-womba ngu m'thu wuwa, ve xawutela wotshe wubihi wu a nga wu maha ka vasawuleki vako va Jerusalema.

Varoma 8:28

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

1 Vakorinto 10:32

Mi nga maheni txionho txo humba Vajudha, mwendo Vagriki, mwendo va Dibanza da Txizimu.

1 Vakorinto 12:27

Sekoko, anu mi mmidi wa Kristu, kambe mi sihango sakwe, mmweyo ni mmweyo ngu mazumbelo akwe.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”