1 Vakorinto 1:10 - Bhiblia Yo Sawuleka

¹⁰ Kambe na mi khongotela, vanathu, ngu ditina da Mkoma Wathu Jesu Kristu, ti to motshenu mi fanete kuva ni kupfana kuwomba-wombani kwanu, ni ti to mi zumba mi si nga ni mibhando hagari kwanu; mi fanete kupfanana ngu moya ni mialakanyo ya mbilu.

1 Vakorinto 1:10 Referans Kwoze

1 Vakorinto 12:25

kasiku ku si vi ni mibango ha mmidi, ni sihango si ziva kuxayisana.

Varoma 12:16

Zumbani ngu kuengisana; mi nga naveleni sa kuguleka; kambe sengelani ni va va ti vekako hahatshi; mi nga laveni ku ti maha titxhari mialakanyoni kwanu.

2 Vakorinto 13:11

Magwito ka totshe, vanathu, zumbani mi di tsakile, khutalani ngu kumaha wunene, tsanisanani mi txi va ni kualakanya kumweko, mi txi hanya ngu kudikha. Txizimu txa lirando ni txa kudikha txi na va ni nanu.

Masalmo 133:1

Eto ti tshambisako tona ni kutsakisa, ngako maxaka ma txi hanya kumweko ngu kupfana!

1 Vakorinto 11:18

Kukhata, ni engisa tito, mbimo yi mi tshanganako, ku ni mibango hagari kwanu; kambe eto na ti tumela kudotho.

Vafilipiya 1:27

Kambe khutalani kuhanya dwe ngu tifanelo ta Evhangeli ya Kristu, kasiku, mwendo nata ni ta mi wona, mwendo ni maneka kule ni nanu, ni na engisa ti to mi ngadi tsanisilwe ngu moya wumwewo, mi lwa kumweko mi di tshanganisilwe ngu moya wumwewo, kulwela likholo la Evhangeli,

Varoma 16:17

Se na mi kombela ti to mi ti wonela ka va va wusako kuhambana, ni sikhuvekiso, ve tsulupeta gondo yi mi nga gondiswa yona; mi nga pataneni navo.

2 Vakorinto 5:20

Athu hi sirumwa sa Kristu, Txizimu ngu txona txi mi layako ngu ngathu. Ngu toneto, ha mi khongotela ngu ditina da Kristu: Kombelani divalelo ka Txizimu.

1 Vakorinto 4:16

Ngu toneto, na mi kombela ti to mi va vaeteteli vangu.

Mithumo 4:32

Msengeletano wa makholwa wu ti ni mbilu yimweyo ni moya wumwewo. Ku ti si nga ho ni wammweyo wa kupimisa ti to si lumba ene ekha, asi a nga ti naso; aniko hagari kwawe, sotshe i ti sa votshelele.

Jeremiya 32:39

Ni na vaha mbilu yimweyo ni va gondisa nzila yimweyo ya ku ni thava kala kupinduka; va na kateka vona ni vanana vawe msana kwawe.

Johani 17:23

Ani kwako ni nawe kwangu, kasiku va txi va i di va kutatiseka amu ka wumwewo, ni ti to ditiko di txi tiziva taku awe u ni rumile, ni ti kambe taku awe u va randile, nga ti u nga ni randisa tona ani.

1 Vatesalonika 5:13

Va xonipheni ngu lirando la hombe, ngu mhaka ya mthumo wawe. Hanyani navo ngu kudikha.

Varoma 12:1

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

Johani 10:19

Ku to wuka kambe kuhambana hagari ka Vajudha ngu mhaka ya dipswi diya.

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

2 Timoti 4:1

Na ku xambanyisa masoni ka Txizimu ni ka Jesu Kristu, awu a nota lamula vohanya ni vofa ngu kutiwonekisa kwakwe ni mfumo wakwe:

Vafilipiya 3:16

Hambi i di keto, ka ti hi nga hoka ka tona, he simamiseni hi tsimbila ngu nzila yimweyo.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Johani 7:43

Ngu toneto, dibutho di nga abaneka ngu mhaka yakwe.

Marku 2:21

Kha ku na m'thu wu a rungako txiziva txa nguwo ya yiphya ka txyambalo txa kale, nguko txiziva txa txiphya txi nga namula nguwo ya kale, se kuvharuka ku txi engeteleka.

Matewu 9:16

Kha ku nga ni m'thu awu a rungako txiziva txa txiphya ka nguwo ya kale, nguko txiziva txiya txi nga namula nguwo, se nguwo yi txi engeteleka kuvharuka.

1 Timoti 5:21

Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

2 Vatesalonika 2:1

I di ta kuwuya ka Jesu Kristu, Mkoma wathu, ni ta kusengeletana kwathu nayo, vanathu,

Vagalatiya 4:12

Na mi khongotela, vanathu, ti to mi fana ni nani, kufana ni kuwa nani ni nga phinduka ni txi fanana ni nanu. Kha ma ni onhela ngu ta txilo.

2 Vakorinto 6:1

Se athu hi thumisanako ni Txizimu, ha mi khongotela kasi ku mi si amukeli walo kateko ya txona.

Varoma 15:30

Se na mi kombela, vanathu, ngu Mkoma wathu Jesu Kristu, ni lirando la Moya, ti to mi lwa kumweko ni nani ngu mikombelo yi mi yi yisako ka Txizimu, mi txi kombelela ani,

Johani 9:16

Sekoko vamwani Vafarisi va to womba va txi kha vona: “Awuwa m'thu hi nga wa ka Txizimu, nguko kha veketi Sabbata.” Vamwani va txi kha vona: “Ti nga mahisa kutxani ka m'thu wu i ku muonhi, kumaha sidiwukiso siya kani?” Se va to khata kuphikizana ngu txawe.

Varoma 1:13

Se vanathu, kha ni dhundi ku mi leka mi si ti zivi ti to sikhati sasingi ni akile makungo a ku mi endela kasi ku ta hapha mihando yokari hagari kwanu, nga ti ni nga ti maha ka mamwani matiko, aniko ni to khameka kala nyamsi.

1 Vakorinto 1:11

Ni womba tiya kwanu, vanathu, nguko ni getwe ngu vathu va Klowe, ti to hagari kwanu kuho kukanetisana;

1 Vakorinto 3:3

nguko mi ngadi vathu va ha mafuni dwe. Nguko mibango ni kuphikizana kuwa ku kuho hagari kwanu, ina hi nga kuwa mi ku ngadi vathu va ha mafuni dwe, mi hanyisako wuthu kani?

2 Vakorinto 13:9

Athu ha tsaka ngako hi di va dikhodho, kasi anu mi di va mtamo. Ati hi mi kombelako ngu tona ngu ti to mi va vo hetiseka.

1 Pedro 5:10

Se Txizimu txa makatekwa otshe, txi nga mi dhanela kupfaliswa ka txona ko mbi guma, ngu ka Jesu Kristu, msana ka kuxaniseka ngu mbimo ya yidotho, txi na mi wusa ni ku mi aka, ni ku mi tsanisa, mi si xulwi ngu txilo.

Joxuwa 22:15

Va di hokile ka vanana va ka Rubheni, ka vanana va ka Gadhi ni ka hafu ya lihunzu la ka Manasi, va to ya kha vona:

Marku 3:24

Ngako mfumo wu txi ti abanisa ngu hagari, ewo mfumo kha wu na kutsana.