1 Vafumeli 9:7 - Bhiblia Yo Sawuleka

⁷ sekoko ni na khundumusa Israyeli ka ditiko di ni nga mninga; se ka yiya nyumba ni nga yi sawulekisela ditina dangu, ni na yi tshotsha kule ni nani, se Israyeli a na maha wa kuwombwa ni kumimelelwa, hagari ka votshe vathu.

1 Vafumeli 9:7 Referans Kwoze

Jeremiya 24:9

Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona.

Masalmo 44:14

U hi mahile divingu hagari ka matiko, vathu ve zinginisa misungo ve hi txhipisa.

Dhewuteronome 28:37

U na va u di txidiwukiso, ni txisekiso, ni txiruko, hagari ka vathu votshe vava, Mkoma a no va a di ku yisile kwawe.

Dhewuteronome 4:26

nyamsi ni maha ti to nzuma ni mafu, si txi va i di tifakazi tanu to mi wukela; ngako toneto ti txi maheka, ngu txikuluveta mi na ya lova ka donedo ditiko, adile anu mi yako kuya di fuma, ngako mi di txhatukile mnambo wa Jordhani; ka toneto, kha mi na mbi ya hanya ngutu ka dona, nguko ngu ditshuri, mi na ya loviswa.

Luka 21:24

Va na wa ngu kudawa ngu ditxhari, va na payulwa ve yiswa ka otshe matiko; se Jerusalema a na kandetelwa ngu vamatiko, kala kuza mbimo ya vamatiko yi va yi di tatisekile.

2 Vafumeli 25:21

Se mfumeli wa Bhabhilona a to va tsayisa e gwita e va daya kona Ribhila ditikoni ka Hamati; se Judha a to ñolwa e yiswa hahanze ka ditiko dakwe.

2 Vafumeli 25:9

A to hisa Nyumba ya Mkoma ni nyumba ya mfumeli, kumweko ni totshe tinyumba ta Jerusalema; a to hisa ni totshe tinyumba ta vahombe.

Mika 3:12

Sekoko, ngu mhaka yanu, Siyoni a na dimwa nga thembwe, Jerusalema a na maha mmumbu wa marigwi, se mmango wa nyumba yiya, wu na va makhalo o guleka a txitinga.

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?

Jeremiya 26:6

ani ni na maha ti to nyumba yiya yi txi nga Silo, ni didhoropa diya ni na di maha txiruko ka totshe tihunzu ta mafu.

2 Makronika 36:19

Se va to hisa Nyumba ya Txizimu, ve khundumusela maguma a Jerusalema, ve hisa tinyumba takwe totshe ta wukoma, va txi fayetela siya sakwe sotshe sa lisima.

2 Makronika 7:20

sekoko ni na mi thavisa ka ditiko diya ni nga mininga, se ka yiya nyumba ni nga yi sawulekisela ditina dangu, ni na yi tshotsha kule ni nani, ni mi maha txisekiso hagari ka votshe vathu.

Matewu 24:2

Aniko ene a to va gela ku khene: “Ma si wona sotshe siya, kani? Kha ditshuri na mi gela ku khani: Kha ku na mbi sala dirigwi txitimwi ka dirigwi, adi di no mbi khundumuswa.”

Ezekhiyele 24:21

I nda khawe ka nyumba ya ka Israyeli: Mkoma Txizimu a khene: Wonani taku ni na nyenyezisa nyumba yangu yo swuleka, i ku wudhumo wa kutsaniswa kwanu, ni kunavela ka maso anu, ni kutsaka ka mihefemulo yanu; se vanana vanu va mazambi ni vamahorana vale mi nga va siya, va na dawa ngu ditxhari.

Jeremiya 52:13

Se a to hisa Nyumba ya Mkoma, ni nyumba ya mfumeli, ni totshe tinyumba ta Jerusalema, e lumekela totshe tinyumba ta vahombe.

Jeremiya 26:18

Mika a to profeta, ka masiku a Ezekhiya, mfumeli wa ka Judha, e gela votshe vathu va ka Judha, a txi khene: Mkoma wa Mabutho a Tiyimbi a khene: “Siyoni ku na dimwa nga thembwe. Ni Jerusalema ku na maha mmumbu wa marigwi; ni ku kuguleka ka dithepele ku nava mmango wa txitinga.”

Isaya 65:15

se mi na leka ditina danu di maha txiruko ka va sawuleki vangu; Mkoma Txizimu a na mi daya; se sithumi sakwe a na si dhana ngu dimwani ditina.

1 Vafumeli 9:3

Se Mkoma a to m'gela ku khene: Ni pfite mkombelo wako ni kudila kwako, u nga dila masoni kwangu; ni sawulekisile nyumba yi u nga yi aka, kasi u veka kona mule ditina dangu yotshe mbimo; se maso angu ni mbilu yangu si na va kona mule otshe masiku.

Matewu 23:38

Ngu toneto, m'ti wako wu na maha dirumbi.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

1 Vafumeli 11:10

Madingano ni mhaka yiya a ti mlayile kuva asi londeteli simwani sizimu; aniko kha vekisa tile a nga laywa ngu tona ngu Mkoma.

Masalmo 69:11

hambi ni txi ambala mkhwasi vona va ni tseketsela.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 44:8

Mi txi ni henyisa ngu mithumo ya manza anu, mi txi hisela miphaxo sizimu sa walo ditikoni ka Egipta, eyo mi nga wulela kuya luvela kona, kasi ku anu mi txi ti lovisa, ni ku mi va txiruko ni kutseketselwa hagari ka matiko otshe ha mafuni kani?

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

Masalmo 44:15

Pfilu-pfilu yiho masoni kwangu yotshe mbimo, se tingana ta khohe yangu ta ni fengeta,

Sidilo 1:8

Jerusalema a onhile ngutu se ngu toneto, a tote nzambwa. Votshe vale va nga ti mxonipha, se vamnyenyile, nguko va woni wumbwiri wakwe; se ene apune wa kuma a txi namisa thamo.

Sidilo 2:17

Mkoma Txizimu a hetisile makungo akwe, a mahile ngu ha a nga womba ngu kona; a kha hindula makungo akwe a kale. A hasute, asi divaleli, a tsakisile valala ngu kuwa kwako a txi va engetela mtamo.

Ezekhiyele 5:15

Se awule wa txisekiso ni wa txibwebwe, va na va vagondisi ni txixamaliso ka matiko ale ma nga kurandela, mbimo yile ni no kulamula ngu kuhenya ni txiviti, ngu sitsayiso sa txiviti.

Hoseya 9:3

Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala.