1 Vafumeli 9:4 - Bhiblia Yo Sawuleka

⁴ Se ngako awe u txi tsimbila masoni kwangu ku nga ti a nga tsimbilisa tona tate wako Dhavhidha, ngu mbilu yotshe ni kutsana, kasi u maha totshe ti ni nga kuruma, ni kuveketa sileleto sangu ni kulamula kwangu,

1 Vafumeli 9:4 Referans Kwoze

1 Vafumeli 15:5

Nguko Dhavhidha a ti mahile tile i ngadi ta tinene masoni ka Mkoma, a sa nga phawuka ka totshe tile a ngadi mleletile ka otshe masiku a kuhanya kwakwe, hahanze ka mhaka ya Uriya, Muheti.

1 Vafumeli 3:14

Se, ngako u txi tsimbila ngu tinzila tangu, u txi vekisa milayo yangu ni sirumo sangu, nga ti a nga tsimbilisa tona Dhavhidha, tate wako, kambe ni na laphisa masiku ako.

1 Vafumeli 11:6

Ngu toneto, Solomoni a to maha kubiha kuwonani ka Mkoma, se kha ti vekisela kulondeta Mkoma, nga tate wakwe Dhavhidha.

1 Vafumeli 11:4

Nguko ku mahekile ti to a di kumbile Solomoni, vasikati vakwe va m'dyite mbilu kasiku e londisa simwani sizimu; se mbilu yakwe yi sa hetiseka ka Mkoma, Txizimu txakwe, ku nga tate wakwe Dhavhidha,

Genesisi 17:1

Mbimo yi Abramu a nga va ni tanga ya mtxhanu ni mune wa magumi ni mtxhanu ni mune a malembe, Mkoma a to humelela masoni kwakwe, a txi khene: “Ani ni Txizimu txa Mtamo-Wotshe, u fanete kuhanya masoni kwangu, u txi ni engisa ngu kuhetiseka.

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Zakariya 3:7

A womba tiya Mkoma wa Mabutho a Tiyimbi: U txi tsimbila ngu tinzila tangu, u xayisa sileleto sangu, ngawe u no lamula nyumba yangu, ni kuxayisa mitendela yangu, ni na kuninga wukhalo hagari ka awa ma kuho hawa.

Mavingu 28:18

Awule a tsimbilako ditshurini a na hanyiswa, aniko awule wa tinzila to biha, a na kuluveta kuwa.

Masalmo 26:11

I di ani, ni tsimbila ngu nzila yo lulama; ni hulukise, telwa ngu wumbilu ni nani!

1 Vafumeli 14:8

kambe ni bhandile mfumo wa nyumba ya Dhavhidha, se ni ninga awe, se awe khwa maha ku nga txithumi txangu Dhavhidha, a nga vekisa sirumo sangu, e ni londeta ngu yotshe mbilu yakwe, e mahile atile i ngadi ta tinene masoni kwangu;

1 Vafumeli 11:38

Se ku na maheka ti to u txi engisa totshe ti ni no kuruma, u tsimbila ngu totshe tinzila tangu, u maha ta tinene masoni kwangu, u txi veketa sileleto sangu ni milayo yangu, ku nga ti txithumi txangu Dhavhidha a nga mahisa tona, ani ni na va ni nawe, ni na kuakela nyumba yo tsana, ku nga kule ni akela Dhavhidha, ni na kuninga Israyeli.

Masalmo 26:1

Ni lamulele, Mkoma, nguko ni tsimbila ngu nzila yo lulama; ani ni themba awe Mkoma; kha ni kanakani.

Masalmo 15:2

Hahanze ka wule a hanyako wutomi wo mbi na dikhwiti, a mahako kululama ni wu a wombako ditshuri mbiluni kwakwe;

1 Vafumeli 8:25

Konkuwa koko, awe Mkoma, Txizimu txa Israyeli, maha ka txithumi txako, i ku tate wangu Dhavhidha, a ti u mga m'gela u txi khawe: Khu na mbi pwata kuhumelela masoni kwangu, khalahatsha ka txitulu txa wukoma txa ka Israyeli; aniko vanana vako va na xayise nzila yako, kasi kuve tsimbila masoni kwangu, nga ti awe u nga tsimbilisa tona masoni kwangu.

Dhewuteronome 28:1

“Se ku na maheka taku, ngako u txi pfa dipswi da Mkoma, Txizimu txako, u vekisa sotshe sirumo sakwe, asi ni ku leletako nyamsi, Mkoma, Txizimu txako, a na kuguleta txitimwi ka yotshe mifumo ya ha mafuni.

Mavingu 20:7

M'thu wo lulama a tsimbila ditshurini kwakwe; va na kateka vanana vakwe vale va mu engisako.

Mavingu 10:9

Awule a tsimbilako ditshurini a tsimbila a di tsani, aniko awule a sanulako tinzila takwe a na tumbulwa.

Genesisi 20:5

Abrahamu ngene a nga womba, a txi khene: ‘I ndiyangu’, ni nene wamsikati, e womba toneto, a txi khene: ‘I ndiyangu’. Ni mahile tiya ngu mbilu ya yinene ni manza o lulama.”

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

1 Vafumeli 3:6

Se Solomoni a to khene: Awe u thumisile txithumi txako Dhavhidha, tate wangu, ngu kukateka ka hombe, ngako ene a nga tsimbila ni nawe ngu ditshuri, ni nongameto, ni kululama ka mbilu, masoni kwako; se u m'vekete txikatekiso txa hombe, u mningile mwanana wu a no khalahatsha ha txikhaloni kwako ka wukoma, nga ti ti wonekako ka masiku awa.

1 Vafumeli 6:12

Kasi ngu mhaka ya nyumba yi u nga yi aka, u txi tsimbila ngu sileleto sangu, u txi maha wululamo wangu, ni kuveketa sirumo sangu, u tsimbila ka sona, ni na tsanisa ni nawe dipswi dangu, adi ni ngadi womba ka Dhavhidha, tate wako;

2 Vafumeli 20:3

Awe Mkoma! Alakanya taku ni tsimbite ditshurini, ngu mbilu yo thembeka, ni mahile to lulama masoni kwako, se a to dila ngutu Ezekhiya.

Masalmo 78:72

Dhavhidha a xayisile vathu vakwe ngu kululama kotshe e va fuma ngu wuzivi wa hombe.

Masalmo 101:2

Ni lava kutsimbila ngu nzila yo lulama. U na ni hingeta ditshiku muni? Nyumbani kwangu ni na hanya ngu mbilu ya kuthutha;

Masalmo 128:1

A katekile awule a thavako Mkoma awu a londetako tinzila takwe.

2 Samuwele 22:22

Nguko ni xayisile tinzila ta Mkoma, kambe kha na hambuka ka Txizimu txangu.

2 Makronika 17:4

A to lava Txizimu txa tate wakwe e tsimbila ka sirumo sa txona, asi londeti mikhuwo ya vathu va ka Israyeli.

Ezekhiyele 18:9

a tsimbilako ngu sileleto sangu, ni kuxayisa wululamo wangu, kasi ku e maha madingano ni ditshuri, eyo mlulami ngu ditshuri a na hanya, kuwomba Mkoma Txizimu.