1 Vafumeli 9:21 - Bhiblia Yo Sawuleka

²¹ ka vanana vawe vale va nga sala ditikoni, avale va nga mbi fuviswa do gwita ngu vanana va ka Israyeli, Solomoni a to va maha tikhumbi to mthumela, kala ni nyamsi.

1 Vafumeli 9:21 Referans Kwoze

Valamuli 1:21

Kambe vanana va ka Bhenjamini kha va tutumisa Vajebhusi vale va nga ti Jerusalema, kukhukhela ka kale Vajebhusi va akile Jerusalema kumweko ni vanana va ka Bhenjamini, kala ka ditshiku da nyamsi.

Joxuwa 17:12

Aniko nguko vanana va ka Manasi va nga mbi sikota kukhozisa madhoropa awa, Vakanana va to tsana va txi aka ditikonimo.

Joxuwa 15:63

Vajebhusi va ngadi akile Jerusalema, vanana va ka Judha kha va sikota ku va tutumisa; ngu mhaka yeto Vajebhusi kala nyamsi va ngadi akile kona Jerusalema, kumweko ni vanana va ka Judha.

Nehemiya 11:3

Se a vava mba thangeli va ditiko va nga aka Jerusalema (se ka madhoropa a Judha mmwani ni mmwani a ti ti akile ka wukhalo wakwe, ka madhoropa awe, i ku vava: Vaisrayeli, vaphaxeli, ni Valevhi, ni Vaneti, ni vanana va tikhumbi ta Solomoni.)

Nehemiya 7:57

Vanana va tikhumbi ta Solomoni: Vanana va Sotayi, ni vanana va Soferete, ni vanana va Peridha,

1 Vafumeli 9:15

Mfumeli Solomoni a vekile mhaka ya resa, kasi kuaka Nyumba ya Mkoma, ni nyumba yakwe ene, ni Milo, ni diguma da Jerusalema, kumweko ni Hazori ni Megidhu, ni Gezeri.

1 Vafumeli 5:13

Se mfumeli Solomoni a to dhana sithumi hagari ka Israyeli, ngu mtengo wa 30.000 wa vavamna.

Valamuli 2:20

Ngu kumaha keto, kuhenya ka Mkoma a to wukela va ka Israyeli; se a txi khene: “Ngako vathu vava va nga leka txitumelelano txangu, atxi ni nga ti leletete vatate vawe, va si engisi dipswi dangu.

Dhewuteronome 20:11

Se ngako va txi kuangula ngu kuthutha va txi kutulela matimba, vathu votshe vale va manekako, ka didhoropa donedo, va na va tikhumbi tako, va txi kuthumela txibhalo.

Joxuwa 17:13

Mbimo yi vanana va ka Israyeli va nga maneka va di ni mtamo, ve fumela Vakanana va to va ninga mithumo yo nemela, aniko kha va va tutumisa.

Valamuli 3:1

Ayiya koko, ngu yona mifumo yi Mkoma a nga yi siya, kasi ku ngu yona e duka Israyeli, i ku votshe vale va nga mbi ziva totshe tiyimbi ta Kanana.

1 Vafumeli 9:20

Se ngu ka votshe vale va nga sala va Vaamori, Vaheti, Vaferezi, Vahevhi ni Vajebhusi, i nga ti si nga vanana va ka Israyeli,

1 Makronika 22:2

Se Dhavhidha a to leleta taku, votshe valuveli vale va nga ti ditikoni ka ka Israyeli, ve sengeletana; e leleta kambe ni vavati va marigwi taku ve vata marigwi o aka ngu ona Nyumba ya Txizimu.

2 Makronika 8:8

ka vanana vawe vale va nga sala ditikoni, avale va nga mbi va fuvisa do gwita ngu vanana va ka Israyeli, Solomoni a to va maha tikhumbi to mthumela, kala ni nyamsi.

Mavingu 12:24

Manza a vale va wunene ma na thangela vamwani, aniko vakanganyisi va na va sithumi.

Joxuwa 16:10

Kambe kha va tovela vanana vale va nga ti akile Gezeri; kambe Vakanana va zumbile hagari ka lihunzu la vanana va ka Efrayime kala ka ditshiku da nyamsi, va txi maha Vaisrayeli va ku va thumela.

Valamuli 1:36

Se m'hingano wa Vaamori, wu ti ti khukhela mmangoni ka Akrabhime, ni kukhukhela dirigwini kala txitimwi.