1 Vafumeli 9:13 - Bhiblia Yo Sawuleka

¹³ Aha a nga khene: Mwanathu, kasi madhoropa muni ona awa u nga ni ninga kani? Se va to ma dhana ku ditiko da Kabhuli, kala ni nyamsi kuwa.

1 Vafumeli 9:13 Referans Kwoze

Joxuwa 19:27

Ka didhawa da wutxani muhingano wu ti ti hoka kala Bheti-Dhagoni, kambe wu ti ti longoloka kala Zebhuloni, mkovani ka Jifitaheti ngu wuphemba ka Bheti-Emeki, ni Neyeli, wu txi longoloka kala hafuhi ka Kabhuli ngu wuphemba,

Amosi 1:9

Mkoma a womba tiya: Ngu kuhambunyeta kurarau ka Tiro ni ka wumune, na mbi thavisa txitsayiso, nguko va ningete totshe tikhumbi ka Edhomi, kambe kha alakanya txitumelelano txa vanawe.

1 Vafumeli 9:12

Se Hiramu a to khukha ngu Tiro kuya wona madhoropa ale a nga ningwa ngu Solomoni, aniko kha ma mtsakisa.