1 Vafumeli 8:9 - Bhiblia Yo Sawuleka

⁹ Amu ka dibhokiso ku si nga ni tximwani txilo, hahanze ka sileti simbidi sa marigwi, asile Mosi a nga si beta a di Horebhe mbimo yile Mkoma a nga maha txitumelelano ni vanana va ka Israyeli, va txi huma ngu ditikoni ka Egipta.

1 Vafumeli 8:9 Referans Kwoze

Eksodha 25:21

U na sanzeka txikhalo txa wumbilu txitimwi ka dibhokiso, ngu mndani ka dona u na veka Txixambanyo txi ni no kuninga.

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Eksodha 40:20

A to teka wufakazi a txi wu wuletisa amu ka dibhokiso, a to veka sikhongwani aha ka dibhokiso, a txi veka txikhalo txa wuxinji, txitimwi ka dibhokiso .

2 Makronika 5:10

Amu ka dibhokiso ku si nga ni tximwani txilo, hahanze ka sileti simbidi sa marigwi, asile Mosi a nga si veka a di Horebhi mbimo yile Mkoma nga maha txitumelelano ni vanana va ka Israyeli, va nga txi huma ngu Egipta.

Dhewuteronome 4:13

Sekoko Mkoma a mi zivisile txitumelelano txi a nga mi ruma, digumi da milayo, ayi yi nga bhalwa aha ka sileti simbidi sa marigwi.

Mtuletelo 15:8

Dithepele di to tala ngu wutshi, ngu mhaka ya wudhumo wa Txizimu ni mtamo wa txona, ahawa koza ni wammweyo asi sikoti kuwulela Dithepeleni, kala kuza kuhetiseka mitungu yile ya mtxhanu ni yimbidi ya tingelozi ta mtxhanu ni timbidi.

Ezekhiyele 10:4

Sekoko wudhundo wa Mkoma wu to khukha ngu txitimwi ka makerubhima, wu txi ya txikenini ka nyumba; se nyumba yi to tatwa ngu direfu, ni muhubhe wu to tala ngu kuphatima ka wudhundo wa Mkoma.

1 Vafumeli 8:21

Se ni vekisile wukhalo wa dibhokiso di di ku ni txitumelelano txile Mkoma a nga txi maha ni vatate vathu, mbimo yile a nga va thavisa ditikoni ka Egipta.

Dhewuteronome 31:26

“Amukelani dibhuku diya da Mlayo, mi txi di veka hafuhi ni dibhokiso da txitumelelano txa Mkoma, Txizimu txanu, di na maha fakazi masoni kwanu.

Mitengo 17:10

Sekoko Mkoma a to khene ka Mosi: Tshumeta ndonga ya Aroni masoni ka txitumelelano, yi na xayiswa kona, ti to yi na maha txialakanyiso ka vanana va vo kaneta; kasi kufuvisa sisolo hagari kwawe ngu kuhetiseka ti to va siswi vefa.

Mitengo 9:15

Se ka ditshiku di va nga gwita kugwimba ditenda da msengeletano, direfu da Mkoma di to fenengeta nyumba ya kona, se kukhukhela ni minova, ku txi woneka txo nga mndilo wo tura txitimwi ka nyumba, kala ni mixo.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Eksodha 16:33

Mosi a to khene kambe Aroni: “Teka txikadyana thela ka txona homeri yimweyo yo tala ngu manna se u txi veka masoni ka Mkoma, kasi ku yi veketa kala ka vatukulu vanu.”

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Eksodha 14:24

Ngu mbimo ya mixo, Mkoma a to wona ngu mu ka phande ya mndilo ni ya direfu ngu didhawa da wugovelo wa Vaegipta, se e va vinganyisa.

Eksodha 13:21

Mkoma Txizimu a ti thangela masoni kwawe, ni mitshikari a ti ti va komba nzila ngu direfu, ni wusiku a ti ti va komba nzila ngu phande ya mndilo, kasi ku va woninga, kasiku va txi tsimbila kwati wusiku ni mitshikari.

Eksodha 25:16

Msana keto, u na veka Txifakaziso txi ni no kuninga aha ka dibhokiso.

2 Makronika 5:9

Se siñolo sa dona si ti ti laphile, aha koza titshoka ta sona ti woneka ka wukhalo wo khongela ka wona, na u di ka wukhalo wo sawuleka ngutu; ani ngu hahanze si si woneki; si zumbile konaho, kala ka ditshiku da nyamsi.)