1 Vafumeli 8:6 - Bhiblia Yo Sawuleka

⁶ Se vaphaxeli va to tisa dibhokiso da txitumelelano txa Mkoma ka wukhalo wa dona, ka wukhalo wo khongela ka wona, wo sawuleka ngutu, kala hahatshi ka tibhapi ta makerubhima.

1 Vafumeli 8:6 Referans Kwoze

1 Vafumeli 6:27

Makerubhima awa a to ma veka hagari ka nyumba ya mndani; se makerubhima ma ti nawuluta tibhapi ta ona, ngu nzila yo libhapi la dikerubhima dimwedo li ti ti gwesa diseta, se libhapi la dimwani dikerubhima li ti ti gwesa dimwani diseta, se tibhapi timwani ti txi gwesana ngu titshoka.

1 Vafumeli 6:19

Se ngu mndani ka nyumba ya hagari, a to aka wukhalo wa siprofeto, kasi kuveka konamo dibhokiso da txitumelelano txa Mkoma.

2 Samuwele 6:17

Se va di wuletisile dibhokiso da Mkoma, va to di veka ka wukhalo wa dona, ka ditenda dile Dhavhidha a ngadi longisa; Dhavhidha a to ningela mphaxo wo hiswa, ni mningelo wa kudikha masoni ka Mkoma.

Ezekhiyele 10:5

Se diguwa da tibhapi ta makerubhima di to pfala kala ka muhubhe wa hahanze, kufana ni dipswi da Txizimu txa Mtamo-wotshe txi txi womba-womba.

Isaya 37:16

O Mkoma wa Mabutho a Tiyimbi, Txizimu txa ka Israyeli, awe u zumbako hagari ka Makerubhima; ngawe u ku Txizimu, awe wekha, ka yotshe mifumo ya ha mafuni; awe u vangile nzuma ni mafu.

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!

Masalmo 80:1

Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

2 Makronika 5:7

Se vaphaxeli va to tisa dibhokiso da txitumelelano txa Mkoma ka wukhalo wa dona wo sawuleka, Nyumbani ko Sawuleka ngutu, kala hahatshi ka tibhapi ta makerubhima.

1 Vafumeli 8:4

Kambe va to yisa txitimwi dibhokiso da Mkoma, kumweko ni ditenda da msengeletano, kumweko ni sotshe siya so sawuleka si nga ti tiho ditendani, ngu vona vaphaxeli ni Valevhi va nga si kwelisa.

2 Samuwele 6:2

Se Dhavhidha a to khukha e tsula ni votshe vathu vale a nga ti navo, va Bhahala ka Judha, kasi kuguleta dibhokiso da Txizimu, di di dhanwako ngu Ditina, ditina da Mkoma wa Mabutho a Tiyimbi, di zumbako hagari ka makerubhima.

1 Samuwele 4:4

Sekoko ku to rumelwa vathu vo ya Silo, veya teka dibhokiso da txitumelelano txa Mkoma wa Mabutho a Tiyimbi, di di zumbako hagari ka makerubhima; aniko vanana vambidi va Eli, i ku Hofini ni Finiyasi, va ti koneho ni dibhokiso da txitumelelano txa Txizimu.

Eksodha 37:9

makerubhima ma ti ni mabhapi mambidi o lapha o nawulukela txitimwi, kambe ma ti fenengeta ngu mabhapi a ona txikhalo txa wuxinji.

1 Vafumeli 6:16

A to aka kambe magumi mambidi a mikono a mapulango a mikedhari madhawani ka nyumba, kukhukhela hahatshi kala mu ka maseta, se ngu nyumbani a to aka wukhalo wa siprofeto, ka Wukhalo wo Sawuleka.

1 Vafumeli 8:3

Ma tota otshe madhota a ka Israyeli, se vaphaxeli va to kwelisa dibhokiso da txitumelelano.

1 Vafumeli 8:7

Nguko makerubhima ma ti gwimba tibhapi ta ona tatimbidi txitimwi ka dibhokiso, ma txi fenengeta dibhokiso, ni minaneko ya kona ngu txitimwi.

1 Makronika 22:19

Konkuwa koko, lavani Mkoma, Txizimu txanu ngu mbilu yanu ni mhefemulo wanu; khukhani mi aka wusawuleko wa Mkoma Txizimu, kasi ku dibhokiso da txitumelelano txa Mkoma, ni siya so sawuleka sa Txizimu, si na tiswa ka nyumba yiya, yi yi no akwa ngu ditina da Mkoma.

Ezekhiyele 41:4

Kambe a to pima kulapha ka kona: Magumi mambidi a mikono, se kuanama magumi mambidi a mikono, masoni ka dithepele; se a to khene kwangu: Akuwa, ngu Sawuleka ka Kusawuleka.

Masalmo 80:2

Komba wuhombe wako ka tihunzu ta Efrayime, Bhenjamini ni Manasi! Wuka u txi ta hi hanyisa ngu mtamo wako!