1 Vafumeli 8:59 - Bhiblia Yo Sawuleka

⁵⁹ Niku mapswi awa angu, ni nga khongotela ngu ona masoni ka Mkoma, ma nave hafuhi, masoni ka Mkoma, Txizimu txathu, wusiku ni mitshikari, kasiku, u maha kululama ka txithumi txako ni ka vathu vako va Israyeli, ka mmweyo ni mmweyo ngu ditshiku dakwe,

1 Vafumeli 8:59 Referans Kwoze

Johani 17:9

Ani na va khongelela, kha ni khongeleli ditiko, aniko ni khongelela va u nga ni ninga, nguko mbako.

Masalmo 141:2

Mkombelo wangu wu na fane ni dibaselo di di hiswako masoni kwako ni kuguletwa ka manza angu ku na fane ni mhamba ya minova.

1 Johani 2:2

Ene ngene i ku mhamba ya kudihela sionho sathu, kambe hi nga sionho sathu kugwita, aniko ni sa dotshe ditiko.

Luka 11:3

Hi he sakudya sathu sa ditshiku ni ditshiku;

Dhewuteronome 33:25

Sikhoto sako si na va sa simbi ni koporo; mtamo wako wu na simama nga masiku a kuhanya kwako.”

1 Vafumeli 8:58

namisa kwako timbilu tathu, kasi ku hi tsimbila ngu totshe tinzila tako, ni kuveketa milayo yako, ni sileleto sako, ni wululamo wako awu u nga ruma ngu wona vatate vathu.

1 Vafumeli 8:60

kasi votshe vathu va ha mafuni ve tiziva ti to Mkoma Njizimu, kha ku nga ni tximwani.

Isaya 27:3

Ani Mkoma, na verela, se ka mbimo ni mbimo ni na theletela mati, kasi ku ni wammweyo asi onheteli, wusiku ni mitshikari ni yi xayisa.

Isaya 37:20

Konkuwa koko awe Mkoma, Txizimu txathu, hi txhatxhise manzani kwawe, kasi ku yotshe mifumo ya ha mafuni, yi tiziva tito, ngawe dwe u ku Mkoma.