1 Vafumeli 8:44 - Bhiblia Yo Sawuleka

⁴⁴ Ngako vathu vako va txi huma ve yalwa ni mlala wawe, ngu nzila yi u no va komba, ve khongela ka Mkoma ka didhawa di u ngadi sawula ka didhoropa diya, ni da nyumba yi ni nga akela ditina dako,

1 Vafumeli 8:44 Referans Kwoze

2 Makronika 32:20

Se mfumeli Ezekhiya, ni mprofeti Isaya, mwana Amosi, va to peka huwa nzumani ve kombela ngu mhaka yiya.

2 Makronika 18:31

Ka mbimo yile vathangeli va yimbi va nga wona Josafati, va to kha vona: Ngu ditshuri ngene wule mfumeli wa ka Israyeli. Se va to tshuketela kuya mlwisa; konaho Josafati a to peka huwa; se Mkoma Txizimu txi to mlamulela, ngu ku va jikisa.

2 Makronika 6:34

Ngako vathu vako va txi huma ve yalwa ni valala vawe, ngu nzila yi u no va komba, ve khongela ka Mkoma ka didhawa di u ngadi sawula ka didhoropa diya, ni da nyumba yi ni nga akela ditina dako,

1 Vafumeli 8:16

Kukhukhela ka ditshiku dile ni nga thavisa vathu vangu va ka Israyeli ngu Egipta, kha na sawula didhoropa ni da dimwedo ka tihunzu ta ka Israyeli kasi kuaka nyumba, kasi ni veka kona ditina dangu; aniko ni sawute Dhavhidha, kasi e fumela vathu vangu va Israyeli.

2 Samuwele 5:23

Se Dhavhidha a to wotisa ka Mkoma, se Mkoma e m'gela ku khene: U nga kwelele; aniko va randele ngu msana kwawe, se u naya tshangana navo ngu masoni ka mimora.

2 Samuwele 5:19

Se Dhavhidha a to wotisa ka Mkoma, a txi khene: Ni kwelela ni yalwa ni Vafilista kani? Ina wu na va ningela manzani kwangu kani? Se Mkoma a to khene ka Dhavhidha: Kwelela, nguko kha ditshuri ni na ningela Vafilista manzani kwako.

1 Samuwele 30:8

Sekoko Dhavhidha a to wotisa ka Mkoma a txi khene: Ina ni nga wulondeta mtxawa wuwa wa masotxhwa kani? Ina na wu mana kani? Se Mkoma a to m'gela ku khene: Wu londete, nguko ngu ditshuri u na wu mana kambe u txhatxhisa sotshe.

1 Samuwele 15:18

Mkoma a kurumete ka nzila yiya, a txi khene: Tsula, u ya xasela vaonhi vava Vaamaleki, va txi bhi, u lwa navo kala kuza u vaheta.

1 Samuwele 15:3

Tsula koko, konkuwa, u ya xasela Vaamaleki, u onhetela sotshe si va ku naso, u nga vatsetse; aniko u na daya vavamna ni vavasikati, vafana ni vanana va ha tshumbuni, tihomu ni tinvuta, makamelu ni timbongola.

Valamuli 6:14

Sekoko Mkoma a to tshembereka e mu wona a txi khene: “Tsula ngu wotshe mtamo wu u ku nawo, u txi ya hulukisa va ka Israyeli, manzani ka Vamidhiyani. Ina hi nga ani ni kurumako kani?”

Valamuli 4:6

Se a to rumela kuya dhana Bharake, mwana Abhinowami, wa Kedhesi ka va ka Naftali, a txi m'gela ku khene: “Ina Mkoma, Txizimu txa ka Israyeli, kha kuruma a txi khene: Tsula u ya sengeleta vathu mmangoni ka Tabhori, kambe teka 10.000 wa vavamna, hagari ka vanana va ka Naftali ni vanana va ka Zebhuloni kani?

1 Vafumeli 8:45

engisa koko, u di nzumani mikombelo yawe ni kudila kwawe, va ninge kuhumelela.

Dhaniyeli 6:10

Se mbimo yi Dhaniyeli a nga ziva ti to mibhalo yi sayinilwe, a to wulela nyumbani kwakwe, (kambe ku ti ti ni mafasitela o rendekela didhawa da Jerusalema ma nga ti ti tutwe), e khizama kuraru ngu ditshiku, e kombela, a txi ninga kubonga masoni ka Txizimu txakwe, kufana ni tile a nga ti tolovela kumaha.

2 Makronika 20:5

Josafati a to khukha a txi ema hagari ka msengeletano wa Judha ni Jerusalema, Nyumbani ka Mkoma, masoni ka diguma da diphya.