1 Vafumeli 8:40 - Bhiblia Yo Sawuleka

⁴⁰ Kasi veva ni txithavo otshe masiku aawa va no hanya, ka mafu ya u nga ninga vatate vathu.

1 Vafumeli 8:40 Referans Kwoze

Masalmo 130:4

Aniko awe wa ziva kudivalela, kasiku athu hiva ni txithavo.

Mtuletelo 19:5

Konako, ku to huma dipswi di txi ta ngu ha txikhaloni ka wukoma, di txi: “Dhumisani Txizimu txathu, anu motshenu sithumi sa txona, ni nanu mi txi thavako vavadotho ni vahombe!”

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Vahebheru 12:28

Ngako hi nga amukela mfumo wo mbi dekadeka, he ñolisiseni ta tinene kateko yiya. Ngu yona, a hi khozeleni Txizimu ngu nzila yi yi amukelekako, ngu kutiveka hahatshi, ni txithavo.

Mithumo 10:2

I ti m'thu wa wukhongeli ni txithavo ka Txizimu kumweko ni wotshe mwaya wakwe. A ti vhuna ngutu sisiwana sa ditiko, a txi khongela ka Txizimu yotshe mbimo.

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Masalmo 115:13

a na katekisa vale va kholwako ka Mkoma, vavadotho ni vahombe.

1 Samuwele 12:24

Thavani Mkoma dwe, mi mthumela ngu kuthembeka ka timbilu tanu totshe, nguko wonani timhaka ta hombe ti a nga mi mahela tona.

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

Dhewuteronome 6:2

Ngu toneto, thava Mkoma, Txizimu txako, kambe vekisa yotshe milayo yakwe, ni sirumo si nyamsi ni ku leletako, awe ni vanana vako, ni mtukulu wako, otshe masiku a kuhanya kwako, kasi ku masiku ako ma na anda.

Eksodha 20:20

Se Mosi a to khene ka vathu: “Mi nga thaveni. Mkoma a to ta kasi ku ta mi duka, masoni kwanu, kasiku mi txi hambana ni txionho.”

Genesisi 22:12

Sekoko Ngelozi yi to kha yona: “U nga sanzeke dianza txitimwi ka mfana, kambe u nga mmahe txilo; nguko se na tiziva tito, ngu ditshuri, wa txi thava Txizimu, nguko khwa ni lambela mwanana wako, mwanana wako wammweyo.”

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Dhewuteronome 12:1

Ayiya ngu yona nzileleto ni silayelo si mi no si xayisa, mi txi si vekisa ka ditiko di Mkoma, Txizimu txa vatate vanu, a nga mi ninga, mi txi di teka, ka otshe masiku a kuhanya kwanu ha mafuni.

1 Vafumeli 8:39

va engise awe koko nzumaniyo, ka txitulu txi u zumbako ka txona, divalela, maha, ninga ka mmweyo ni mmweyo madingano ni mahanyelo akwe, ni ti u nga wonisako tona mbilu yakwe, nguko ngawe wekha u zivako timbilu ta vanana va vathu.

1 Vafumeli 8:41

Mu engise nene mluveli wule i singako wa vathu vako va ka Israyeli, wa kuva a tako ngu ka matiko a kule, ngu kuranda ditina dako

Joxuwa 4:24

Kasi ku votshe vathu va ha mafuni, va txi ziva tito, dianza da Mkoma nda mtamo, kasi ku mi txi thava Mkoma, Txizimu txanu, otshe masiku.