1 Vafumeli 8:4 - Bhiblia Yo Sawuleka

⁴ Kambe va to yisa txitimwi dibhokiso da Mkoma, kumweko ni ditenda da msengeletano, kumweko ni sotshe siya so sawuleka si nga ti tiho ditendani, ngu vona vaphaxeli ni Valevhi va nga si kwelisa.

1 Vafumeli 8:4 Referans Kwoze

2 Makronika 1:3

Se Solomoni ni wotshe msengeletano wule a nga ti nawo va to tsula mmangoni ka Gibheyoni, nguko di ti ti koneyo ditenda da msengeletano wa Txizimu, dile Mosi, txithumi txa Mkoma a nga ti di gwimbile txiwulani.

1 Vafumeli 3:4

Se mfumeli a to tsula Gibheyoni kuya phaxela kona, ngu kona i nga ti ti wukhalo wo guleka ngutu, a to ya ningela digumi da mazana a miphaxo ka txiluvelo txile.

1 Makronika 6:31

Avava koko, ngu vale Dhavhidha a nga va veka, ka mthumo wa wuembeleli Nyumbani ka Mkoma, msana ka kuva dibhokiso di di mani kuhumula.

2 Samuwele 6:12

Sekoko va to ya zivisa Dhavhidha, va txi kha vona: Mkoma a katekisile nyumba ya Obhedhi-Edhomi, ni sotshe sile a ku naso, ngu mhaka ya kuranda dibhokiso da Txizimu; Dhavhidha koko, a to tsula ka Obhedhi-Edhomi eya teka dibhokiso da Txizimu, e di tisa Didhoropani ka Dhavhidha na a di tsakile.