1 Vafumeli 8:3 - Bhiblia Yo Sawuleka

³ Ma tota otshe madhota a ka Israyeli, se vaphaxeli va to kwelisa dibhokiso da txitumelelano.

1 Vafumeli 8:3 Referans Kwoze

Joxuwa 3:6

Se Joxuwa a to womba ka vaphaxeli a txi khene: “Gulani dibhokiso da txitumelelano, mi txi thangela masoni ka vathu vava.” Va to gula koko dibhokiso da txitumelelano, va txi thangela masoni ka vathu.

Dhewuteronome 31:9

Se Mosi a to bhala mlayo wuwa, e wu ningela ka vaphaxeli, vanana va Levhi, avale va nga ti rwala dibhokiso da txitumelelano txa Mkoma, kumweko ni otshe madhota a va ka Israyeli,

Joxuwa 3:3

se va to leleta ka vathu, va txi kha vona: “Ngako mi txi wona dibhokiso da txitumelelano txa Mkoma, Txizimu txanu, na di txi gulwa ngu vaphaxeli va Valevhi, khukhani nanu ka wukhalo wanu mi di londeta.

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

1 Makronika 15:2

Sekoko Dhavhidha a to khene: Kha ku na m'thu a nga tekako dibhokiso da Mkoma, ngako i si nga Valevhi; nguko Mkoma a va sawute, kasi ku ve teka dibhokiso da Mkoma, ni ku mthumela kala kupinduka.

Joxuwa 6:6

Sekoko Joxuwa, mwana Nune, a to dhana vaphaxeli, a txi va gela tiya: “Rwalani dibhokiso da txitumelelano; mtxhanu wa vaphaxeli ni vambidi, va na teke mtxhanu wa titshodi ni timbidi ta titxheho ta tihamba, va txi thangela masoni ka dibhokiso da Mkoma.”

Joxuwa 4:9

Joxuwa a to emisa mamwani marigwi a digumi ni mambidi hagari ka mnambo wa Jordhani, ka wukhalo wule va nga ti emile ka wona, vaphaxeli vale va nga ti rwate dibhokiso da txitumelelano; marigwiyo ma nga diho kala ka ditshiku da nyamsi.

Mitengo 7:9

Se vanana va ka Kohate, kha va nga ningwa txilo, nguko mthumo wawe i ti wo pakata siya so sawuleka.

1 Vafumeli 8:6

Se vaphaxeli va to tisa dibhokiso da txitumelelano txa Mkoma ka wukhalo wa dona, ka wukhalo wo khongela ka wona, wo sawuleka ngutu, kala hahatshi ka tibhapi ta makerubhima.

2 Samuwele 6:12

Sekoko va to ya zivisa Dhavhidha, va txi kha vona: Mkoma a katekisile nyumba ya Obhedhi-Edhomi, ni sotshe sile a ku naso, ngu mhaka ya kuranda dibhokiso da Txizimu; Dhavhidha koko, a to tsula ka Obhedhi-Edhomi eya teka dibhokiso da Txizimu, e di tisa Didhoropani ka Dhavhidha na a di tsakile.