1 Vafumeli 8:26 - Bhiblia Yo Sawuleka

²⁶ Sekoko konakuwa awe Txizimu txa Israyeli, di na tatiseke dipswi dako adi u nga womba ka txithumi txako, tate wangu Dhavhidha.

1 Vafumeli 8:26 Referans Kwoze

Jeremiya 11:5

kasi ni na tsanisa txifungo txi ni nga txi xambanya ka vatate vanu: Txa kuvaninga ditiko di khulungako masi ni wulombe, nga ti ku ku ngu tona nyamsi. Sekoko ni to xamula, ni txi khani: Amen, Awe Mkoma!

Isaya 45:3

Se ni na kuninga tithomba tile ti nga siswa, ni tile ti nga fenengetwa, kasi ku u na tiziva tito, ani ngani Mkoma, Txizimu txa ka Israyeli, ni ku dhanako ngu ditina dako.

Isaya 41:17

Vaxaniseki ni vale vo pwata va lava mati, kambe kha ma ngaho, se tidimi tawe ta oma ngu ditora; aniko ani Mkoma, ni na va engisa, ani Txizimu txa ka Israyeli kha ni na mbi va leka.

Masalmo 119:49

Alakanya dipswi di u nga ni gela, ani txithumi txako; dipswi donedo di ni ningile kuthemba.

Masalmo 41:13

A na dhumiswe Mkoma, Txizimu txa ka Israyeli, konkuwa ni yotshe mbimo! Ti na maheke! Amen ni amen!

2 Makronika 1:9

Konkuwa koko, awe Mkoma Txizimu, tsanisisa dipswi dako, dile u nga ninga Dhavhidha, tate wangu; nguko awe u ni mahile mfumeli txitimwi ka vathu votala ngutu nga lithulu la mafu.

1 Vafumeli 8:23

a txi khene: O Mkoma, Txizimu txa ka Israyeli, kha ku nga ni Txizimu txo ngawe, txitimwi nzumani, hambi hahatshi ha mafuni, u xayisako txitumelelano ni wunene, ka sithumi sako si tsimbilako ngu mbilu yawe yotshe masoni kwako;

1 Samuwele 1:17

Sekoko Eli a to xamula, a txi khene: “Tsula ngu kuthutha, Txizimu txa Israyeli txi na ku ninge si u si kombelako.”

Eksodha 24:10

se va to wona Txizimu txa ka Israyeli, hahatshi ka mikondo ya txona ku ti ni txo nga dirigwi da safira do phatima ku nga nzuma.

1 Vafumeli 8:27

I na ngu ditshuri txi ndi na zumba Txizimu ha mafuni kani? Wona taku tinzuma kala ka nzuma ya tinzuma kha ti sikoti ku u enela ka tona, se ngutu-ngutu nyumba yiya ni nga yi aka.

1 Makronika 17:23

Konkuwa koko, awe Mkoma, dipswi dile u ngadi womba ngu txithumi txako ni nyumba ya txona, di na tsane, ngu ha ku si gwitiko; maha nga ti u nga wombisa tona.

Masalmo 119:38

Tsanisa kwangu, txithumi txako, txithembiso txako, txithembiso txi u txi mahako ka vale va ku thavako.