1 Vafumeli 8:22 - Bhiblia Yo Sawuleka

²² Se Solomoni a to tsula masoni ka txiluvelo txa Mkoma, masoni ka wotshe msengeletano wa ka Israyeli, se e gwimba manza me komba nzumani,

1 Vafumeli 8:22 Referans Kwoze

Ezra 9:5

Hafuhi ka mbimo ya miphaxo, ni to khukha kuhenyanimo kwangu, na ni ti vharulete syambalo sangu, ni to khizama, ni guleta manza angu ka Mkoma, Txizimu txangu.

1 Vafumeli 8:54

Ku to maheka ti to msana ka mkombelo wule a nga wu maha Solomoni ka Mkoma ni kudila, a di khizamile e guleta manza me komba nzumani, a to khukha masoni ka Mkoma,

Eksodha 9:33

Konako, Mosi a to khukha ka Faro e huma mu didhoropani, se e nawuluta manza akwe a txi ma komba ka Mkoma Txizimu. Singwalangwanda ni mati a maralala si to ema, se kha ka nga wa kambe mati a maralala ha ditikoni.

Isaya 1:15

Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Eksodha 9:29

Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

Masalmo 63:4

ni na ku bonga otshe masiku a kuhanya kwangu; ni na guleta manza angu me komba kwako ngako ni txi khongela.

Masalmo 28:2

Engisa mikombelo yangu, ngako ni txi kudhana, nga ti ni txi guleta manza angu, ni txi ma yisa nyumbani kwako ko sawuleka.

Jobe 11:13

Ngako awe u di lulamisete mbilu yako, nawuluta manza ako kwakwe;

2 Vafumeli 23:3

Se mfumeli a to ema hafuhi ni phande, e maha txitumelelano masoni ka Mkoma, txa ku na tsimbila kumweko ni Mkoma, ni kuvekisa sirumo sakwe, ni wufakazi wakwe, ni sileleto sakwe, ngu yotshe mbilu, ni wotshe muhefemulo, ngu kutsanisa mapswi a txitumelelano txiya, ma nga ti bhatwe ka dibhuku dile; se votshe vathu va txi emete txitumelelano txiya.

2 Vafumeli 11:14

A to wona mfumeli wamphya hafuhi ni phande, nga tolovelo ya kona, ni vathangeli va yimbi, ni mipundu, hafuhi ni mfumeli, se votshe vathu va ditikoni va ti ti tsakile, ve veta mipundu; sekoko Ataliya a to vharula syambalo sakwe, a to kwangula a txi khene: Kuningelwa! Kuningelwa!

Eksodha 33:10

Se mbimo yile vathu va nga txi wona phande ya direfu yi txi ta ema ha txikeni ka ditenda, mmwani ni mmwani a txo khizama a di ha txikeni ka ditenda dakwe.