1 Vafumeli 7:51 - Bhiblia Yo Sawuleka

⁵¹ Wu gumisile tiya wotshe mthumo wu a nga wu maha mfumeli Solomoni ka Nyumba ya Mkoma. Sekoko Solomoni, mwana Dhavhidha, a nehile sotshe siya so sawuleka, i ku silivhela ni nzalama, se siya a to si veka hagari ka thomba ya Nyumba ya Mkoma.

1 Vafumeli 7:51 Referans Kwoze

2 Makronika 5:1

Solomoni adi hetile mthumo wa kuaka Nyumba ya Mkoma, a to neha sotshe siya si Dhavhidha, tate wakwe, a nga ti ti siningete i ku siya: Silivhele, ni nzalama, ni sotshe siya eya si veka hagari ka thomba ya Nyumba ya Txizimu.

Zakariya 4:9

Manza a Zorobhabheli ma khatile nyumba yiya, kambe manza akwe ma na yi heta, kuva mi txi na tiziva taku, Mkoma wa Mabutho a Tiyimbi, a ni rumile kwanu.

Ezra 6:15

Nyumba yiya yi to guma ngu ditshiku da wuraru ka mtxima wa Adhari, i nga ti ti dilembe da mtxhanu ni dimwedo da kufuma ka Dhariyo.

Eksodha 40:33

Ku to guleka diguma di ranganyeta nyumba yo sawuleka, ni txiluvelo, se e hayeka m'jiyo wa txike txa diguma. Ngu toneto, Mosi a to maneka a di hetile wotshe mthumo.

1 Vafumeli 15:15

Siya so sawuleka sa tate wakwe, a to si tisa Nyumbani ka Mkoma, ni siya sile a nga si sawula ene apune: Silivhela ni nzalama ni siya.

1 Vafumeli 6:9

Ngu toneto, a nga akisa tona nyumba, se a txi yi hetisela, e tshulela nyumba ngu sipulangwana sa mikedhari.

1 Vafumeli 6:14

Ngu toneto, Solomoni a to aka nyumba yile a txi heta.

2 Vafumeli 25:15

Mthangeli wa yimbi a to teka so ñola ngu sona makala a mndilo, ni mikamba, ni sotshe sile i nga ti ti sa nzalama yo surutetwa ni sa silivhela.

2 Makronika 8:15

Vaphaxeli ni Valevhi kha va hambuka ka mlayo wa mfumeli madingano ni dibhindu hambi ka tithomba.