1 Vafumeli 7:25 - Bhiblia Yo Sawuleka

²⁵ Se linene li ti ti txitimwi ka digumi da madhuna ni mambidi a tihomu, tiraru to rendekela Mwalungu, tiraru to rendekela Mswa-ditambo, tiraru to rendekela Wuphemba, ni tiraru to rendekela Wutxani, se linene li ti ti ngu txitimwi ka tona, ni otshe madhawa a hahanze ka kona, ngu didhawa da mndani ka kona.

1 Vafumeli 7:25 Referans Kwoze

Jeremiya 52:20

Tiphande timbidi ni linene limwelo, ni digumi da tihomu ni timbidi ta msuku si nga txi maneka ka wukhalo wa sitsaniso si nga mahwa ngu mfumeli Solomoni ka Nyumba ya Mkoma, msuku da sotshe siya sile u si na mipimo.

1 Vakorinto 9:9

Nguko Mlayoni ka Mosi ti bhatwe ti taku: “U nga tsive txisofu txa homu yi yi hulako.” Ina Txizimu txo khatalela tihomu kani?

Luka 24:47

ni tiya kambe taku ku na txhumayelwa, ngu ditina dakwe, mhaka ya kutilaya ni kudivalelwa ka sionho ka otshe matiko, kukhukhela Jerusalema.

Matewu 28:19

Ngu toneto, tsulani mi txi ya phindula vamatiko votshe, ve maha vagondiswa vangu, mi va bhabhatisa ngu ditina da Tate, ni da Mwanana, ni da Moya wo Sawuleka,

Ezekhiyele 1:10

Se khohe ya txona yi ti ti fana ni khohe ya m'thu; ka dianza da txinene, sotshe sa mune si ti ti ni tikhohe ta tingonyamo, ka dianza da txibhabha sotshe si ti ti ni tikhohe ta tihomu, ni khohe ya digama, sotshe sa mune.

1 Vafumeli 7:26

Se kudhimba ka lona i ti ko dingana ni dianza, se likasa la kona li fana ni likasa la digombe mwendo ni txiluva txa dikhoñwa; ku txi enela mpimo wa 2.000 wa tilitru.

1 Vafumeli 7:44

kumweko ni linene ni digumi da tihomu ni timbidi, ngu hahatshi ka linene lile,

2 Vafumeli 16:17

Se mfumeli Akazi, a to thavisa tibhande ta hahatshi ka mkamba, e wu teka, se e thavisa linene txitimwi ka tihomu ta koporo, li ngadi hahatshi ka tona, e sanzeka tximwi ka marigwi.