1 Vafumeli 7:21 - Bhiblia Yo Sawuleka

²¹ Se a to emisa tisika ha txikeni ka dithepele; a to emisa sika didhawa da txinene, ditina da yona i ti ti Jakimu; mbimo yi a nga emisa sika ya txibhabha, a to yi raya ku i Bhowazi.

1 Vafumeli 7:21 Referans Kwoze

2 Makronika 3:17

Se Solomoni a to emisa tisika masoni ka dithepele, limwelo ka didhawa da txinene, limwani ka txibhabha; Ya didhawa da txinene e yi dhana ku i Jakimu, ya txibhabha a to yi dhana ku i Bhowazi.

1 Vafumeli 6:3

M'hubhe wo khata masoni ka Dithepele, i ti wa magumi mambidi a mikono kulapha, madingano ni kuanama ka nyumba, ni digumi da mikono kuanama, masoni ka nyumba.

Mtuletelo 3:12

Awu a xulako ni na mu maha phande dithepeleni ka Txizimu txangu, se konaho kha na mbiswa e huma. Ni na bhala txitimwi kwakwe ditina da Txizimu txangu ni ditina da didhoropa da Txizimu txangu, Jerusalema wamphya a txhikako ngu nzumani, a tako ngu ka Txizimu txangu ni ditina dangu da diphya.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Matewu 16:18

Ngu toneto, nani na kugela, ni khani: Awe u Pedro, se txitimwi ka dirigwi diya, ni na aka Dibanza dangu, ani mtamo wa lifo kha wu na mbi di xula.

Isaya 45:24

Va na kha vona ngu ngani: Kululama ni mtamo si ka Mkoma dwe; va nata kwakwe, aniko kha va na mbiwa tingana, votshe vale va no henya va txi mwukela.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

1 Vafumeli 7:12

Se i ti diguma da hombe do ranganyeta da titxhatxha tiraru ta marigwi o vatelwa, ni titxhatxha ta mirwalo ya mikedhari; ni wona m'hubhe wa mndani ka Nyumba ya Mkoma ni m'hubhe wa nyumba yile.

2 Samuwele 7:12

Mbimo yi masiku ako ma no guma, se wuta otela ka vatate vako, sekoko msana kwako ni na wusa mwanana wako, awu a no huma ngu kwako, kambe ni na tsanisa mfumo wakwe.

Rute 4:21

Se Salimoni a to veleka Bhowazi, se Bhowazi a to veleka Obhedhi,

1 Vafumeli 7:22

Se txitimwi ka tisika, ku ti ti ni so fana ni makhon'wa. Se ngutu ku nga gwitiswa tona kumahwa ka tisika.

Rute 2:19

Sekoko masale wakwe a to m'gela a txi khene: “Nyamsi u lavetete hani, niku u thumete hani kani? A na katekiswe awule a nga khatala ngu ngawe!” Rute a to txhamusela ka masale wakwe, taku a thumile ni mani, a txi khene: “Wamwamna awule ni nga thuma nayo nyamsi, ditina dakwe i Bhowazi.”

2 Makronika 4:13

ni 400 wa maromani ka tisefo timbidi, i ku sikotxikani simbidi sa maromani ka sefo yimweyo ni yimweyo, kasi kufenengeta siwumbulutwa simbidi sa tiringi, ti nga ti txitimwi ka tisika.