1 Vafumeli 7:2 - Bhiblia Yo Sawuleka

² A to aka kambe nyumba ya txitinga txa tingani ka Libhanoni, ya dizana wa mikono kulapha, ni mtxhanu wa magumi a mikono, ni magumi mararu a mikono kudemba, txitimwi ka mune wa titxhatxha ta tisika ta mikedhari, ni mirwalo ya kona ya mikedhari txitimwi ka tisika.

1 Vafumeli 7:2 Referans Kwoze

1 Vafumeli 10:17

a to maha kambe 300 wa sitxhavangu sa nzalama yo bambatelwa; magejo mararu a nzalama a to rumela ku me pimwa o lumba txithavangu tximwetxo ni tximwani; se mfumeli a to si veka txitingani ka Libhanoni.

2 Makronika 9:16

a to maha kambe 300 wa sivhikelo sa nzalama yo tshulwa, txivhikelo ni txivhikelo txi ti ni mpimo wa 300 wa maxekela a nzalama; eya si veka txitingani ka Libhanoni.

Ndando ya Tindando 7:4

Thamo yako yi fana ni mikhokhola yo akwa ngu makwasa a nzofu; maso ako ma fana ni mkole wa Hesibhoni, hafuhi ni txike txa Bhati-Rabhimi; thonvu yako yi fana ni mikhokhola ya Libhanoni, yi nga wonetela Dhamasku.

1 Vafumeli 10:21

Kambe otshe magombe ale a nga ti sela ngu ona mfumeli Solomoni, i ti a nzalama, ni sotshe siya sa nyumba ya txitinga txa Libhanoni, i ti sa nzalama ya yinene; ka yona ku si nga ni silivhela, nguko ka masiku a Solomomi, yi si nga ni kudhundeka ni kakumweko.

1 Vafumeli 9:19

ni otshe madhoropa ma nga ti xomisilwe, ale a nga ti nawo Solomoni, ni madhoropa a mahantxhi, ni madhoropa a vagadhi va mahantxhi, ni sotshe sile Solomoni a nga xuva ku si aka Jerusalema, ni Libhanoni, ni ka dotshe ditiko di a nga ti di fumela.

1 Vafumeli 7:3

Ngu txitimwi yi ti tshuletwe ngu mikedhari minanekoni ka kona, yi nga ti txitimwi ka mune wa magumi ni mtxhanu wa tisika, wukhalo ni wukhalo ku ti ti ni digumi ni mtxhanu wa tisika.

1 Vafumeli 9:1

Ku to maheka a tito, Solomoni a txi heta kuaka Nyumba ya Mkoma, ni nyumba ya mfumeli, ni yotshe mixuvo ya Solomoni, ayi a nga yi maha ngu kuranda kwakwe,

Isaya 22:8

Se ku na thaviswa txivhikelo txa ka Judha. Ka ditshiku dileya, u na wonetela matxhari a nyumba ya txitingani.