1 Vafumeli 6:7 - Bhiblia Yo Sawuleka

⁷ Kambe nyumba yi to akwa ngu marigwi awa ma nga longiselwa, ma ti ti thumisiswa tonati ma nga nehiswa tona, hamela, mwendo ditxhapu, hambi txo kari tximwani txa txikete, txi ti si pfali mbimo ya kuakwa ka nyumba.

1 Vafumeli 6:7 Referans Kwoze

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Mavingu 24:27

Tshurisela mithumo yako hahanze, u yi hetisela thembweni, sekoko aka nyumba yako.

Eksodha 20:25

Ngako u txi ni akela txiluvelo txa dirigwi, u nga mahe ngu dirigwi do vatwa; nguko u txi thumisa txhizelo ka dona, u na yi nyenyezisa.

Vakolosa 1:12

bongani ka Tate, a nga mi ninga mathomo a kumana txyavelo kumweko ni vasawuleki liwoningoni.

2 Vakorinto 5:5

Se awu a nga hi mahela tiya i Txizimu, i ku txona txi nga hi ninga txitsaniso txa Moya, txa si si tako.

Varoma 9:23

Txizimu txi lavile kambe kukombisa kukula ka wudhumo wa txona ka vale txi nga va sawula ngu kale, ngu wumbilu wa txona, kasiku va na ya zumba kutsakani ka txona.

Mithumo 9:31

Hambi keto, Dibanza di ti ni kuthutha ka dotshe ditiko da Judheya ni da Galileya ni da Samariya, di txi kula, di txi hanya ngu kuxonipha Mkoma, di txi anda ngu kuvhunetelwa ngu Moya wo Sawuleka.

Isaya 42:2

Kha na mbi dila, kha na mbi henya, hambi dipswi dakwe kha na mbi di pfalisa mitendelani.

Jakobe 1:20

Nguko, kuhenya ka m'thu kha ku mahi kululama ka Txizimu.

1 Vafumeli 6:6

Nyumba ya hahatshi i ti ya kuanama ka mtxhanu wa mikono, nyumba ya hagari i ti ya mtxhanu wa mikono kuanama, ya wuraru i ti ya mtxhanu wa mikono ni yimbidi kuanama, nguko ngu hahanze ka nyumba ku ti mahilwe sihiketo, kuva mirwalo yi si tsani ngu diseta da mndani ka nyumba.

1 Vafumeli 6:8

Ditimba da nyumba ya hagari di ti ngu txinene ka nyumba, va ti ti kwela ka nyumba ya hagari ngu manera, ngu toneto ka ya wuraru.