1 Vafumeli 6:5 - Bhiblia Yo Sawuleka

⁵ Ngu hahanze ka diseta a to aketela sinyumbana, ka madhawa a maseta a Dithepele ni ka wukhalo wa siprofeto, se a to aketela sinyumbana.

1 Vafumeli 6:5 Referans Kwoze

1 Vafumeli 6:16

A to aka kambe magumi mambidi a mikono a mapulango a mikedhari madhawani ka nyumba, kukhukhela hahatshi kala mu ka maseta, se ngu nyumbani a to aka wukhalo wa siprofeto, ka Wukhalo wo Sawuleka.

Masalmo 28:2

Engisa mikombelo yangu, ngako ni txi kudhana, nga ti ni txi guleta manza angu, ni txi ma yisa nyumbani kwako ko sawuleka.

2 Makronika 5:9

Se siñolo sa dona si ti ti laphile, aha koza titshoka ta sona ti woneka ka wukhalo wo khongela ka wona, na u di ka wukhalo wo sawuleka ngutu; ani ngu hahanze si si woneki; si zumbile konaho, kala ka ditshiku da nyamsi.)

2 Makronika 5:7

Se vaphaxeli va to tisa dibhokiso da txitumelelano txa Mkoma ka wukhalo wa dona wo sawuleka, Nyumbani ko Sawuleka ngutu, kala hahatshi ka tibhapi ta makerubhima.

2 Makronika 4:20

ni sipande ni malambu a nzalama yo hehuka ngutu, kasi ku ma txi layithwa madingano ni txi toloveto txawe masoni ka digandelo.

1 Vafumeli 6:31

Se ngu ha txikeni ka nyumba ya siprofeto, a to veka matimba a mapulango a muolivha; mirwalo ni misasimo i ti ti didhawa da wutxhanu da diseta.

Ezekhiyele 40:44

Ngu hahanze ka ditimba da mndani ka kona, ku ti ti ni tinyumba ta vaembeleli, ka mtendela wa mndani, wu nga ti ti ngu didhawa ka txike txa wulambwe, ngu kurendekela nzila ya wuphemba.

Jeremiya 35:4

ni to va tsulisa Nyumbani ka Mkoma, ka wukhalo wa vanana va Hanani, mwana Igdhaliya, i ku m'thu wa Txizimu, awule wu nga ti gwatamile ni wukhalo wa vathangeli, wu ku txitimwi ka wukhalo wa Mahaseya mwana Salumi, muwoneleti wa txike.

Ndando ya Tindando 1:4

Awe ni teke, hi na tutuma, hi kulondetela. Mfumeli a ni wuletile tinyumbani kwakwe. Hi na tsaka ngutu kwako, kambe hi na kutsakela; hi na alakanya lirando lako, kupinda vhinya; vo lulama va kuranda.

Nehemiya 12:44

Ka ditshiku donedo ku to sawulwa va xayisi va sibhiya sa tithomba, miningelo yo ndiwitelwa, ni mihando yo khata, sa wugumi, ve sengeleta ka sona, madingano ni tithembwe ta madhoropa, ni makhalo a ma nga vekwa ngu Mlayo wa vaphaxeli ni Valevhi; nguko Judha a ti ti tsaka ngu mhaka ya mthumo wa vaphaxeli ni wa Valevhi.

Nehemiya 10:37

Hi na teka mpupu wathu wo khata, ni miningelo yathu yo ndiwitelwa, ni mihando ya mindonga yotshe, ni vhinya, ni mafura hi si ningela ka vaphaxeli, sinyumbanani ka Nyumba ya Txizimu; hi ningela ka Valevhi sa wugumi sa thembweni kwathu; nguko Valevhi va na teka sa wugumi ka tithembwe tathu ka otshe madhoropa.

2 Makronika 31:11

Ezekhiya a to leleta kuva txi longisa sinyumbana Nyumbani ka Mkoma, se ve maha toneto.

1 Makronika 28:11

Se Dhavhidha a to ninga mwanakwe Solomoni, txikombiso txa m'hube ni txa tinyumba timwani ta dona, ni txa tinyumba ta tithomba, ni txa nyumba yo khongela ka yona, ni sibhiya sa kona sa nyumbani, ni txa wukhalo wo sawuleka ngutu.

1 Makronika 23:28

Nguko mthumo wawe i ti ti wa kurumwa ngu vanana va ka Aroni, ka mthumo wa Nyumba ya Mkoma, ve hiyela mitendela, ni tinyumbani, ni kusawulekisa sotshe siya so sawuleka, ni kumaha mthumo wa Nyumbani ka Txizimu,

1 Makronika 9:26

Nguko ka mthumo wule, ku ti ti ni mune wa vawoneleli vahombe va sike, i nga ti Valevhi, va nga ti ni mthumo wo xayisa tiyumba ni tithomba ta Nyumbani ka Txizimu.

Mitengo 7:89

Se mbimo yile Mosi a nga ti wulela ditendani ka msengeletano, kasi kuya womba-womba ni Mkoma, a ti ti engisela dipswi, di di nga ti womba kwakwe, ngu txitimwi ka txikhalo txa wumbilu, txitimwi ka dibhokiso da Wufakazi, ngu hagari ka makerubhima mambidi; di ti ti wombawombisa tona tiya nayo.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Eksodha 25:22

Se konaho ni nata ni ta womba-womba ni nawe txitimwi ka txikhalo txa wumbilu, ngu hagari ka makerubhima mambidi (ma ku txitimwi ka dibhokiso da Txifakaziso), ka totshe ti ni no kuruma kugela vanana va ka Israyeli.”

1 Vafumeli 6:6

Nyumba ya hahatshi i ti ya kuanama ka mtxhanu wa mikono, nyumba ya hagari i ti ya mtxhanu wa mikono kuanama, ya wuraru i ti ya mtxhanu wa mikono ni yimbidi kuanama, nguko ngu hahanze ka nyumba ku ti mahilwe sihiketo, kuva mirwalo yi si tsani ngu diseta da mndani ka nyumba.

Jeremiya 35:2

Tsula ka nyumba ya va ka Rekabhi, u txi ya womba-womba, u va heleketa Nyumbani ka Mkoma, ka wumwewo wa makhalo, u txi ya va ninga vhinya ve sela.

Ezekhiyele 41:4

Kambe a to pima kulapha ka kona: Magumi mambidi a mikono, se kuanama magumi mambidi a mikono, masoni ka dithepele; se a to khene kwangu: Akuwa, ngu Sawuleka ka Kusawuleka.

Ezekhiyele 40:17

A to ni yisa ka mthanda wa hahanze; kona eyo ku ti ti ni tinyumba ni wukhalo wu nga ti ti lulamisetwe ngu hahanze; ka wukhalo wule ku ti ti ni magumi mararu a tinyumba.