1 Vafumeli 6:16 - Bhiblia Yo Sawuleka

¹⁶ A to aka kambe magumi mambidi a mikono a mapulango a mikedhari madhawani ka nyumba, kukhukhela hahatshi kala mu ka maseta, se ngu nyumbani a to aka wukhalo wa siprofeto, ka Wukhalo wo Sawuleka.

1 Vafumeli 6:16 Referans Kwoze

2 Makronika 3:8

Solomoni a to aka kambe nyumba yo sawuleka ngutu, kulapha ka yona madingano ni kuanama ka nyumba i ti ti ka magumi mambidi a mikono, se kuanama ka yona i ti ti ka magumi mambidi a mikono; atxi yi bhama ngu nzalama yo hehuka a yi yi ku ni kunemela ka 600 wa titalenta.

1 Vafumeli 8:6

Se vaphaxeli va to tisa dibhokiso da txitumelelano txa Mkoma ka wukhalo wa dona, ka wukhalo wo khongela ka wona, wo sawuleka ngutu, kala hahatshi ka tibhapi ta makerubhima.

Vahebheru 9:3

Ngu msana ka m'jiyo wa wumbidi, ku ti ni dimwani ditenda, di nga ti dhanwa ku Wukhalo wo Sawuleka ngutu.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Ezekhiyele 45:3

U na pima wukhalo wuwa ngu kulapha ka 25.000 wa mikono, ni kuanama ka 10.000; koneyo ku nava ni wukhalo wo sawuleka, ni wukhalo wo sawuleka ngutu.

1 Vafumeli 6:5

Ngu hahanze ka diseta a to aketela sinyumbana, ka madhawa a maseta a Dithepele ni ka wukhalo wa siprofeto, se a to aketela sinyumbana.

Eksodha 26:23

Kambe u na maha mamwani mapulango a mambidi, aha ka makhona a hahatshi ka ditenda.

1 Vafumeli 6:17

Nguko koko, i ti ti nyumba ya mune wa magumi a mikono a kulapha, ka Dithepele da mndani.

1 Vafumeli 7:7

A to aka kambe m'hubhe wa habanza ko xuxela kona mahungu, m'hubhe wa wulamuli, hahatshi ka kona ku ti ti veketetwe mapulango a mikedhari.

Ezekhiyele 41:4

Kambe a to pima kulapha ka kona: Magumi mambidi a mikono, se kuanama magumi mambidi a mikono, masoni ka dithepele; se a to khene kwangu: Akuwa, ngu Sawuleka ka Kusawuleka.