1 Vafumeli 6:12 - Bhiblia Yo Sawuleka

¹² Kasi ngu mhaka ya nyumba yi u nga yi aka, u txi tsimbila ngu sileleto sangu, u txi maha wululamo wangu, ni kuveketa sirumo sangu, u tsimbila ka sona, ni na tsanisa ni nawe dipswi dangu, adi ni ngadi womba ka Dhavhidha, tate wako;

1 Vafumeli 6:12 Referans Kwoze

1 Makronika 22:10

Awuwa, a na akela nyumba ditina dangu; ene a na va mwanana wangu, se ani ni na va tate wakwe; kambe ni na tsanisa txikhalo txa wukoma wakwe txitimwi ka Israyeli, kala kupinduka.

Vakolosa 1:23

kambe mi fanete kutsana amu ka likholo, mi si hambuki amu ka txithembo txa Evhangeli yi mi nga yi amukela, ayi yi nga nuwelwa ka sotshe sivangwa si si ku hahatshi ka nzuma, Evhangeli yoneyo nani Paulo ni nga mahwa txithumi txa yona.

Masalmo 132:12

Ngako vanana vako va txi xayisa txitumelelano txangu ni sileleto sangu si ni no va gondisa, vanana vawe ni vona, va na khalahatsha ha txikhaloni kwako ka wukoma, kala kupinduka.”

1 Vafumeli 3:14

Se, ngako u txi tsimbila ngu tinzila tangu, u txi vekisa milayo yangu ni sirumo sangu, nga ti a nga tsimbilisa tona Dhavhidha, tate wako, kambe ni na laphisa masiku ako.

Zakariya 3:7

A womba tiya Mkoma wa Mabutho a Tiyimbi: U txi tsimbila ngu tinzila tangu, u xayisa sileleto sangu, ngawe u no lamula nyumba yangu, ni kuxayisa mitendela yangu, ni na kuninga wukhalo hagari ka awa ma kuho hawa.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

1 Vafumeli 8:25

Konkuwa koko, awe Mkoma, Txizimu txa Israyeli, maha ka txithumi txako, i ku tate wangu Dhavhidha, a ti u mga m'gela u txi khawe: Khu na mbi pwata kuhumelela masoni kwangu, khalahatsha ka txitulu txa wukoma txa ka Israyeli; aniko vanana vako va na xayise nzila yako, kasi kuve tsimbila masoni kwangu, nga ti awe u nga tsimbilisa tona masoni kwangu.

2 Samuwele 7:5

Tsula u ya gela txithumi txangu Dhavhidha u txi khawe: Mkoma a khene: Ina u nga ni akela nyumba yo ni zumba ka yona kani?

1 Vafumeli 6:11

Sekoko di to ta dipswi da Mkoma ka Solomoni, di txi ta kha dona:

1 Vafumeli 11:10

Madingano ni mhaka yiya a ti mlayile kuva asi londeteli simwani sizimu; aniko kha vekisa tile a nga laywa ngu tona ngu Mkoma.

Jeremiya 7:5

Nguko ngako mi txi txhukwatisa mahanyelo anu ni mithumo yanu, ngako mi txi lamula ngu kululama hagari ka m'thu ni mwakelani wakwe,